SON DƏQİQƏ

belediyyetv.az
 Valyuta məzənnəsi

İmişlidə Azərbaycan ədliyyəsinin 100 illik yubileyi ilə bağlı tədbir keçirilib

31-10-2018, 14:07 | Oxunub: 13 |

İmişlidə Azərbaycan ədliyyəsinin 100 illik yubileyi ilə bağlı tədbir keçirilibİmişli regional ədliyyə idarəsi və İmişli rayon Təhsil şöbəsinin birgə təşkilatçılığı əsasında A. Allahverdiyev adına İmişli rayon Qaralar kənd tam orta məktəbdə yuxarı sinif şagirdləri üçün İdarənin əməkdaşları İlkin Savalan və Ruslan İsmayılovun iştirakı ilə Azərbaycan ədliyyəsinin 100 illik yubileyi ilə bağlı növbəti maarifləndirmə kursu keçirilmişdir. Tədbirdə məktəbin direktoru Bikə Məmmədova və şagird heyəti iştirak edib.

Tədbiri giriş sözü ilə açan İmişli regional ədliyyə idarəsinin aparıcı məsləhətçisi İ.Savalan bildirdi ki, bu tədbirin orta məktəbdə müəllim və şagird kollektivi ilə keçirilməsi heç də təsadüfü deyildir. Belə ki, Ədliyyə sisteminin müasirləşdirilməsi üzrə həyata keçirilən islahatlar çərçivəsində nazirliyin fəaliyyət istiqamətləri genişləndirilmiş, o cümlədən yerlərdə ədliyyə orqanlarının fəaliyyətinin əlaqələndirilməsi, onlara nəzarətin gücləndirilməsi, əhalinin bu qurumlara müraciət etmək imkanlarının asanlaşdırılması, bələdiyyələrin fəaliyyətinə inzibati nəzarətin səmərəsinin artırılması üçün möhtərəm prezident İlham Əliyevin “Ədliyyə orqanlarının inkişafı haqqında” 17 avqust 2006-cı il tarixli, 446 nömrəli Fərmanı ilə Regional ədliyyə şöbələri yaradılmışdır. 22 noyabr 2018-ci il tarixdə Azərbaycan ədliyyəsinin 100 ili tamam olur. Hər il olduğu kimi bu ildə Ədliyyə işçiləri öz peşə bayramlarını çox böyük coşqu ilə qeyd edəcəklər.

Sonra İdarənin aparıcı məsləhətçisi R.İsmayılov Azərbaycan ədliyyəsinin bu günə kimi keçdiyi keşməkeşli tarixi ilə bağlı, həmçinin Ədliyyə sahəsində göstərilən elektron xidmətlər barədə tədbir iştirakçılarına ətraflı məlumat verib.

Sonda şagirdlər Ləman Əliyeva, Gülü Əliyeva, Lalə Əhmədova, Kübra Astanova, Murad Rüstəmli və digərlərini maraqlandıran suallar cavablandırılıb.

OXŞAR XƏBƏRLƏR
BƏLƏDİYYƏ TV
MÜSAHİBƏ
REPORTAJ
XƏBƏR LENTİ
BÜTÜN XƏBƏRLƏR