Vaqif Mustafayev istefa verdi

Görkəmli kinorejissor, "Space" TV-nin rəhbəri Vaqif Mustafayev tutduğu vəzifədən istefa verib.

XeberTv.info-nun Unikal.org-a istinadən məlumatına görə, Vaqif Mustafayev istefa ərizəsi yazaraq kanalı tərk edib.

Qeyd edək ki, V. Mustafayev kanala 2006-cı ildən rəhbərlik edirdi.

"Qafqazinfo" əlavə edir ki, əslində "Space TV"yə rəhbərlik Vaqif Mustafayev kimi parlaq bir rejissorun ən pis işlərindən biri olub. Belə ki, ölkənin ilk müstəqil telekanallarından olan "Space TV" Vaqif Mustafayevin rəhbərlik etdiyi dövrdə ən baxımsız kanala çevrilib. Telekanal daha çox hind filmlərini nümayiş etdirmək, xəbər mühitindən geri qalmaq, şou-biznesə üstünlük verməklə diqqət çəkib. Bundan başqa, telekanalda çalışan bir sıra peşəkar mütəxəssislər zaman-zaman telekanalı təərk ediblər. "Space TV" son illərdə ən az məvacib veren televiziya kimi gündəmə gəlib. Bundan başqa, "Space TV"nin 90-cı illərdən sonra texniki avadanlıqları yenilənməyib.

Buna görə Vaqif Mustafayevin telekanaldan uzaqlaşdırılması gözlənilən idi.