Birinci MDB Oyunları başa çatıb

Rusiyanın Kazan şəhərində keçirilən birinci MDB Oyunları başa çatıb.

Azərbaycan idmançıları yarışı 60 medalla başa vurublar.

Oyunlarda Azərbaycan komandası idmanın 13 növündə təmsil olunub. İdmançılarımız badminton (8 idmançı), basketbol (4), boks (8), cüdo (16), futzal (13), stolüstü tennis (8), stend və güllə atıcılığı (3), karate (20), kəmər güləşi (4), köreş (5), qadın güləşi (6), sambo (7), sərbəst güləş (10), yunan-Roma güləşi (9) və muaytay (tayboks, 6) idman növlərində mübarizə aparıblar.

Altmış medaldan 15-i qızıl, 16-sı gümüş, 29-u isə bürüncdür. Azərbaycan medal əyarında 4-cü, medal sayında 5-ci yeri tutub.

Qeyd edək ki, birinci MDB Oyunlarında 9 ölkə mübarizə aparıb.

XəbərTv.info