Azərbaycanın Rusiyadakı Səfirliyi erməni mətbuatının təxribatının qarşısını aldı

Özünü “Artsax Respublikasının xarici işlər naziri” kimi təqdim edən David Babayanın Rusiyaya “işgüzar səfər” etməsi və bu ölkənin siyasi dairələri ilə görüşlər keçirməsinə dair bir sıra erməni KİV-də yayılmış xəbərlərlə bağlı Səfirlik tərəfindən Rusiya Federasiyasının aidiyyəti qurumlarına müraciət olunub.

Rusiya tərəfi bildirib ki, sözügedən səfər şəxsi xarakter daşıyır, qeyri-rəsmi qəbul edilir və adıçəkilən şəxslə heç bir siyasi məsləhətləşmələr aparılmayıb. Bu kimi məlumatların erməni mətbuatında yayılması təxribatdır və məqsədi ictimaiyyəti çaşdırmaq, uğurla inkişaf edən Azərbaycan-Rusiya əməkdaşlığına kölgə salmaqdır.

Qeyd edək ki, Rusiya sülhməramlılarının nəzarətində olan Xankəndi şəhərinin sakini David Babayan özünü "DQR"-ın xarici işlər naziri adlandırıb. Ermənistan KİV-ləri həmin Babayanın Moskvaya uçuşunu rəsmi səfər kimi qələmə verməyə cəhd ediblər.

XəbərTv.info