Kreml “Bayraktar”-lardan narahatdır

Rusiya prezidentinin mətbuat katibi Dmitri Peskov Türkiyənin Ukraynaya pilotsuz təyyarələr verməsini şərh edərkən bildirib ki, narahatlıqlarımız təsdiqlərini tapır, tədarük mənfi nəticələrə və sabitliyin pozulmasına gətirib çıxara bilər.

XəbərTv.info bildirir ki, bu barədə RİA Novosti xəbər verir.

“Bizim Türkiyə ilə həqiqətən xüsusi, yaxşı münasibətlərimiz var, lakin bu halda təəssüf ki, narahatlıqlarımız təsdiqlərini tapır, Ukrayna hərbçilərinə bu cür silahların verilməsi potensial olaraq təmas xəttində vəziyyətin sabitliyinin pozulmasına gətirib çıxara bilər”, - Peskov müxbirlərə bildirib.

Daha sonra Rusiya prezidentinin mətbuat katibi Ukrayna prezidenti Vladimir Zelenskinin Krımla bağlı bəyanatını da şərh edib: “Ukrayna prezidenti Vladimir Zelenskinin Krımı “qaytarmaq” niyyəti ilə bağlı bəyanatı Rusiyaya ərazi iddiasıdır”.

O qeyd edib ki, bu cür bəyanatların mənfi nəticələri ola bilər.