Son dəqiqə
Aktual / Manset
8-11-2021, 13:18
450
“Bayraktar”lar 44 gün ərzində 3 min saat uçub, 900-a yaxın hədəfi vurub
Azərbaycanın Türkiyədən aldığı pilotsuz uçuş aparatları (PUA) 44 günlük müharibədə bütün cəbhəboyu əməliyyatlarda istifadə olunub. “TRTHaber” telekanalının “Bayraktar TB2” zərbə pilotsuz təyyarələrinin ikinci Qarabağ müharibəsində oynadığı roldan bəhs edən süjetində belə deyilir.
Bildirilir ki, Azərbaycanın Türkiyədən aldığı PUA-lar Qarabağda qələbənin qazanılmasında əhəmiyyətli amillərdən biridir: "Türkiyə PUA-larının bu bacarığı dünya miqyasında savaş kansepsiyasını dəyişdirib".
Bildirilib ki, PUA-lar Azərbaycan Ordusunun 30 ilə yaxın sürən Ermənistan işğalına son qoymasında açar rolu oynayan döyüş silahlarından ən təsirlərindən biri olub.
"PUA-lar tərəfindən müharibə zamanı zərərsizləşdirilən Ermənistanın hərbi avtomobillərinin ümumi maliyyə dəyəri 1 milyard dollar olub. 44 gün davam edən müharibədə PUA-lar 3 min saat fasiləsiz uçuş edib, 900-ə yaxın hədəfi məhv edib", - məlumatda qeyd edilib.