Son sutkada koronavirusa yoluxanların sayı açıqlandı

Azərbaycanda koronavirus infeksiyasına 7 779 yeni yoluxma faktı qeydə alınıb, 6 315 nəfər müalicə olunaraq sağalıb. Nazirlər Kabineti yanında Operativ Qərargahdan XəbərTv.info-ya verilən məlumata görə, analiz nümunələri müsbət çıxan 28 nəfər vəfat edib.

İndiyədək ölkədə ümumilikdə 718 145 nəfərin koronavirus infeksiyasına yoluxması faktı müəyyən edilib, onlardan 660 112 nəfər müalicə olunaraq sağalıb, 8 948 nəfər vəfat edib. 49 085 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 19 314, bu günə qədər isə ümumilikdə 6 316 102 test icra olunub.

Ötən gün 44 505 nəfər vaksinasiya olunub. Birinci mərhələ üzrə vaksinasiya olunanların sayı 3 438 nəfər təşkil edib, ikinci mərhələ üzrə isə vaksinasiya olunanların sayı 2 165-dir. Ölkədə buster doza üzrə vaksinlərin sayına gəlincə, bu göstərici 38 902-dir.