Son dəqiqə
Manset / Ölkə
14-03-2022, 18:55
526
Mübariz Qurbanlının qardaşı Baş Prokurorluqdakı işindən uzaqlaşdırıldı
Dini Qurumlarla İş üzrə Dövlət Komitəsinin sədri Mübariz Qurbanlının qardaşı Tariyel Qurbanov işdən çıxarılıb. Bununla bağlı baş prokuror Kamran Əliyev müvafiq əmr imzalayıb.
Əmrə əsasən, Tariyel Qurbanov baş prokurorluğun Dövlət təhlükəsizliyi, fövqəladə hallar və sərhəd xidməti orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin rəisi vəzifəsindən azad edilib. Baş Prokurorluqdan KİV-lərə faktı təsdiqləyiblər.
Qeyd edək ki, T.Qurbanov uzun müddət Qaradağ və Hacıqabul rayonlarının da prokuroru olub.
Vaxtilə Tariyel Qurbanov sol əli ilə hərbi salam verdiyinə görə də mətbuatın gündəminə gəlmişdi.