Son dəqiqə
17-05-2022, 12:24
488

Sabunçu RİH-nin başçısına qarşı münasibətdə “sular durulmağa” başlayır

Sabunçu RİH-nin başçısına qarşı münasibətdə “sular durulmağa” başlayır

“Şəhid adının əbədiləşdirilməsi və şəhid ailələrinə edilən güzəştlər haqqında” Azərbaycan Respublikasının Qanununun 1-ci maddəsinə əsasən, Şəhid Azərbaycan Respublikasının azadlığı, suverenliyi və ərazi bütövlüyü uğrunda həlak olan, hərbi əməliyyatlar zamanı itkin düşən, yaxud da qanunvericiliklə müəyyənləşdirilmiş qaydada ölmüş hesab edilən şəxslər nəzərdə tutulur.

Sabunçu RİH-nin başçısına qarşı münasibətdə “sular durulmağa” başlayır
Qeyd edək ki, 03 sentyabr 1993-cü ildə ulu öndər Heydər Əliyev “Şəhid adının əbədləşdirilməsi və şəhid ailələrinə edilən güzəştlər” haqqında Azərbaycan Respublikasının Qanunu imzalayıb. Bu Qanunun 1-ci maddəsində şəhid ailəsi üzvlərinin hansı şəxslərə şamil olunduğu, 5-ci maddəsində şəhid və şəhid ailələrinin məsələ və problemləri ilə Azərbaycan Respublikasının Müdafiə Nazirliyinin, Əmək və Əhalinin Sosial Müdafiəsi Nazirliyinin və yerli icra hakimiyyəti orqanlarının məşğul olduqları qeyd olunub. Bundan əlavə, adı çəkilən bu dövlət qurumlarının şəhid ailələrinə tibbi və sosial xidmətlərin göstərilməsi, mənzil tikintisi, təsərrüfatla məşğul olmaq üçün torpaq sahələrinin ayrılması, ailə üzvlərinin işə düzəldilməsi, habelə digər yardımların göstərilməsi və s. kimi məsələləri də, qarşılıqlı əlaqə şəraitində həll etdikləri vurğulanır.

Qeyd edəcəyimiz olay şəhid ailəsinin üzvü ilə bağlı olduğundan, baş verənlər haqda müəyyən düşüncələrimizi, fərdi yanaşmamızın varlığını hər kəslə bölüşməyi özümüz üçün borc bildik. Yəni, onu bildirmək istəyirik ki, 13 may 2022-ci il tarixdə bir çox media qurumlarında, əksər sosial şəbəkə istifadəçilərinin paylaşımlarında və s. Füzuli rayonu uğrunda gedən döyüşlərdə şəhid olan, “İgidliyə görə” və “Vətən uğrunda” medalları ilə təltif olunan gizir Sübhan Mahir oğlu Abdurahmanlının anası Mehriban Abdurahmanlının, Sabunçu rayonu, Ramanı qəsəbəsi ərazisində inşaasını həyata keçirmək istədiyi tikilinin RİH-nin başçısı Adil Vəliyevin verdiyi tapşırıqlar əsasında uçurdulması, sanki qısa zaman kəsiyində ölkə gündəmini zəbt edən əsas mövzulardan birinə çevrildi. Düzdür, belə bir addımın atıldığı ilk günlərdə əsas hədəf Sabunçu RİH-nin başçısı Adil Vəliyev oldu. Buna da əsas səbəb, media qurumlarından bir neçəsinin məsələyə qərəzli prizmadan yanaşmaları oldusa, bir neçəsinin isə məsələnin əsl mahiyyəti haqda məlumatsız olmaları oldu. Fakt ondan ibarətdir ki, günlər keçdikcə “sular durulmağa” başladı və bu da nəticə etibarilə problemin əsl mahiyyəti haqda tam əksəriyyətin məlumatlı olmasına səbəb oldu. Yəni, bəlli oldu ki, şəhid anası Mehriban Əbdülrəhmanova ərazidə “makler”lik fəaliyyəti ilə məşğul olan Amil Əliyev adlı şəxsin “toruna düşür” və qeyd olunan tikili şəhidin anasına deyil, məhz bir şəxsin özünə məxsusdur. Bundan əlavə, həmin tikilinin inşaası xeyli müddət bundan öncə RİH və aidiyyatı üzrə digər dövlət qurumları tərəfindən dayandırılıbmış. Yəni, köhnə tikilini başa çatdırmaq istəyinə düşən Amil Əliyev, bu yöndə niyyətini “çin etmək” üçün çox götür-qoy edir və daha sonra o, şəhid ailəsi üzvünə verilmiş imtiyazlardan yararlanmaq qərarına gəlir. Hətta, yayılan şifahi məlumatlarda o da qeyd olunur ki, yarımçıq qalmış tikilini başa çatdırmaq üçün Amil Əliyev şəhidin anasına 1000 manat məbləğində pul da verir.
Bundan əlavə, müəyyən çevrədə belə bir söz-söhbət də dolaşır ki, şəhid ailəsi üzvünə verilmiş imtiyazlarından yararlanmaq istəyinə düşən Amil Əliyev, heç bir sənədi olmayan kənd təsərrüfatı təyinatlı torpaq sahəsində ev yox, məhz qeyri-yaşayış sahəsi - obyekti inşa etmək qərarında olur. Yaşanan olayla bağlı Sabunçu RİH-i başçısının Ramanı qəsəbəsi üzrə nümayəndəsi Arif Osmanov, bəzi media qurumlarına verdiyi açıqlamasında bildirdi ki, “Mehriban Abdurahmanlı Amil Əliyev adlı şəxsin “toruna düşür” və şəhid anası bir neçə dəfə İcra Başçısının qəbulunda olub. Hər dəfə ona izah olunub ki, qeyd olunan ərazi Abşeron rayonuna məxsusdur və kənd təsərrüfatı təyinatlı torpaq sahəsidir. Hətta, şəhid anasına o da bildirilir ki, qanuni sənədləri olan torpaq sahəsində tikinti işləri aparasa, o halda RİH tərəfindən ona lazımi köməklik də göstəriləcək. Bu yöndə verilən tövsiyyə və açıqlamalara baxmayaraq, Mehriban Abdurahmanlı tikinti işlərini həyata keçirmək qərarına gəlir. Əgər hansısa şəxs dövlətin qayğısından, şəhid ailəsi üzvlərinə verilmiş imtiyazlardan sui-istifadə etmək istəyinə düşürsə, bu heç cür yolverilməzdir və biz belə işlərə hansısa formada göz yuma bilmərik. Onu da qeyd edim ki, bu gün hər bir şəhid ailəsinin üzvü dövlətimiz tərəfindən lazımi qayğı ilə əhatə olunub və onlar bizim başımızın tacıdırlar. Məsələn, çoxsaylı təminatlardan biri olaraq 17 sentyabr 2021-ci il tarixdə şəhid anası Mehriban Abdurahmanlıgilin ailəsinə dövlət tərəfindən Ramanı qəsəbəsindəki “Yeni Yaşayış Kompleksi”ndə 3 otaqlı mənzil verilib, “YAŞAT” Fondundan 8190 manat məbləğində maddi yardım göstərilib. Biz möhtərəm Prezidentin verdiyi tapşırıqlar əsasında ərazidə yaşayan hər bir şəhid ailəsinin üzvləri ilə, qazilərlə, veteranlarla maraqlanırıq, onların məsələ və problemlərinə dayaq oluruq, lazımi köməkliyimizi göstəririk”.
Yəqin ki, belə bir açıqlamalardan sonra yaşanan olayın mahiyyəti, atılan hər bir addımın incəlikləri və s. hər kəsə güntəki aydın olacaq. Düşünürük ki, günlər keçdikcə Sabunçu RİH-nin başçısı Adil Vəliyevlə bağlı hər kəsin düşüncəsində formalaşmış ictimai münasibət kökündən dəyişəcək. Çünki, əsl həqiqətlər daha geniş çevrəyə məlum olmaqdadır. Bəli, bu gün reallıq ondan ibarətdir ki, qeyd olunan torpaq sahəsi şəhid anası Mehriban Abdurahmanlıya aid deyil və RİH olayla bağlı konkret mövqeyini ortaya qoyub. Yəni, şəhid anası özünəməxsus torpaq sahəsində tikinti işləri apararsa, o halda RİH tərəfindən ona lazımi köməkliyin göstəriləcəyi dilə gətirilib. Qaldı ki, Amil Əliyev adlı şəxsin maraqlarının təmin olunması yöndə atdığı addımlara, yəni şəhis anası Mehriban Abdurahmanlını önə verməsinə, bu da hər kəs tərəfindən qınanılmalıdır. Çünki, bu cür əməllər qəbuledilməzdir. Digər tərəfdən, daha yaxşı hal o olar ki, hər bir şəhid aliləsinin üzvü, o cümlədən Mehriban Abdurahmanlı da, məhz bu kimi həssas məsələlərdə diqqətli olmalı və şəhid adının, şəhid ruhunun müqəddəsliyinin qorunmasına çalışmalıdır. Çünki, hər bir şəhidin adı, hər bir şəhidin ruhu bizim üçün ucadır, ucadan da ucadır, əlçatmazdır! Odur ki, hər birimiz bu müqəddəsliyi qoruyub saxlamağa çalışmalı, heç zaman şəhid adından, şəhid ruhundan hansısa marağın təmin olunmasın yöndə istifadə etməməliyik.

Xəbərtv.info

Digər xəbərlər

İlham Əliyev: "Atəşkəs istəyən Ermənistana silah verər?!"
Azərbaycanlı aktyorun evində PARTLAYIŞ - Durumu AĞIRDIR
Moskvada Azərbaycanın sovet dövrünə aid xalça və tikmələri SƏRGİLƏNƏCƏK
Qarabağda Ermənistan tərəfdən Azərbaycana qarşı vuruşan terrorçuların haradan gəldiyi məlum olub
“Salyan OİL” şirkətinin fəhlələri etiraz aksiyası keçirdilər
"Narkoz verilən xəstəni palatada əməliyyat etmək olarmı?" - Oğlunu itirən atanın FƏRYADI
Rövşən Əkbərov məhkəmə qarşısında... BƏS NƏCMƏDDİN SADIQOV?
Həbs edilən məmur icra başçısının əleyhinə ifadə verdi - FOTO
Bağdadda partlayış: 8 ölü, 10 yaralı
İmişlidə 11 yaşlı qızı zorlamaqda şübhəli bilinən şəxs saxlanılıb
II və III ixtisas qrupları üzrə qəbul imtahanları keçiriləcək
Sabah Bakının üç rayonunda qaz təchizatı dayandırılacaq
Azərbaycan nefti bahalaşır
Azərbaycanda xüsusi karantin rejimi avqustun 1-dək uzadılıb
Ermənistanda koronavirusa yoluxma kəskin şəkildə artıb
Kür çayının aşağı axınında suyun səviyyəsinin azalmasının səbəbləri açıqlanıb
Prezident: “Biz heç bir muxtar rayon razılığına gəlməmişik”
Karantin rejimində taksi fəaliyyəti ilə bağlı müraciət edənlər arasında sui-istifadə halı qeydə alınıb
“Abid Şərifov, oğurluğun xırdası və irisi olmur, hamısı oğurluqdur…”
Suqovuşan kəndindən VİDEOREPORTAJ
Tanınmış həkim od püskürdü: Sertifikat imtahanları Azərbaycanda necə keçirilir?
Sona çatan 28 illik həsrət, şəhidlərin qisası və şanlı QƏLƏBƏ! - Qarabağ Azərbaycandır!
Paşinyanın can qorxusu ona cangüdənlərinin sayını artırmağa sövq edib - VİDEO
İlham Əliyev və Vladimir Putin Bəyannamə imzalayacaq
MN: “Cəbhənin Ağdam istiqamətində ordumuzun zərbələri nəticəsində düşmən itki verərək mövqelərini tərk edib”
Sabah yağış yağacaq
Sabiq deputata cinayət işi açıldı
“Qəfildən tappıltı eşidildi, qızlar bax o gördüyünüz yerə çırpıldı...”
Hadrut və bir neçə kənd işğaldan azad edildi
Azərbaycanda ilk dəfə elektrobus istehsal olunub - FOTO
{sape_links}{sape_article}