Son dəqiqə
16-06-2022, 11:26
611

Neftçalanın seyid başçısı ŞƏHİD AİLƏSİNƏ QARŞI... - Şəhid atasına niyə torpaq verilmir...

Neftçalanın seyid başçısı ŞƏHİD AİLƏSİNƏ QARŞI... -
Hamımız deyirİk ki, Qarabağ şəhidləri başımızın tacıdır, ailələrinə qayğı göstərməliyik.

Bu barədə dəfələrlə cənab Prezident İlham Əliyev məmurlara sərt formada tapşırıb. Amma təəssüf ki, bəzi məmurlar, icra başçıları şəhid ailələrinə etinasız yanaşırlar.
İndi oxuyacağınız ürək ağrıdan sözlər də şəhidin atasına məxsusdur.
Belə ki, Xüsusi Təyinatlı Qüvvələrin ( XTQ ) kəşfiyyatçı giziri, Qarabağ ordenli Manafov Şahmar Vidadi oğlunun atası Manafov Vidadi Əliqulu oğlu redaksiyamıza təşrif buyurub.
Şəhid atasının müxbirimizə dediklərini olduğu kimi dərc edirik.
Şəhid atasının dediklərinə görə, oğlu Şuşa-Xocalı cəhbəsində şəhid olub. Şəhidin atası şəhid ailəsinə verilən evdən könüllü imtina edib. Yeri gəlmişkən, qəhrəman şəhidimizin anası da dünyasını dəyişib. Bircə övlad atası olan Vidadi kişi indi evində tək, tənha yaşayır.
Vidadi kişinin dediklərindən bəlli olur ki, bu günədək oğlunun məzarının götürülməsinə, yanında bulaq tikilməsinə, abadlıq və digər işlərə görə iki bankdan 9600 manat kredit götürüb, mağazalara isə 4000 manatdan artıq borcu var.
Şəhidin atası bildirir ki, Neftçala icra hakimiyyətindən mənə nə lazımdır kömək edəcəyik, narahat olma, desələr də indi kömək edən yoxdur.
Qəhrəman şəhid atası 5 hektar torpaq götürüb əkib-becərmək istəsə də icra hakimiyyəti onun bu istəyinə mane olur.
Şəhidin atası deyir ki, mənim oğlum bu torpaq uğrunda həlak olub, amma mən heç bir təmənnada deyiləm, ancaq bir onu demək istəyirəm ki, mənə 10 hektar torpaq vermirlər ki, əkib-becərim, başım qarışsın, vaxtım olmasın ki, nə isə düşünüm, bir dəqiqə boş qalan kimi dünya, aləm başıma fırlanır. Nə həyat yoldaşım var, nə oğlum! İndi mənim bu həyatda yaşamağım üçün yeganə çıxış yolum bu yaşımda ancaq və ancaq 24 saat işləmək, qazandıqlarımı isə xeyriyəçilik işlərinə sərf etməliyəm. Onda mən rahat olaram ki, qəhrəman şəhidimin ruhu şad olar. Mənim oğlumdan mənə Qarabağdan başqa heç bir yadigar qalmayıb. Bir ay idi ki evlənmişdir. Ancaq heç bir yadigarı qalmadı. İndi mən çıxış yolunu ancaq 24 saat işləməkdə, fiziki əməklə məşğul olmaqda görürüəm. Mən icra başçısı Mirhəsən Seyidova demirəm ki, gətir mənə pul ver, mənim ondan yeganə tələbim odur ki, mənə kəndimizdə 10 hektar torpaq sahəsi versin ki, əkim, becərim. Onu da vermir. Amma bizim kənddən olmayan Əmənulla Ələkbərova 500 hektar torpaq sahəsi veriblər, bu necə olur..?
Məlumat üçün qeyd edək ki, Əmənulla Ələkbərov 90-cı illərdə kolxoz sədri olarkən Neftçala rayonun Cəngan kəndinin torpaqlarında islahat aparılanda 500 hektar münbit torpağı ələ keçirib, uzun müddətli müqavilə adı altında. Əslində həmin 500 hektar torpağın cəmi 100 hektarının sənədi var, qalan 400 hektarı qanunsuz ələ keçirib.
Əmənulla təkcə böyük torpaq sahələrini deyil, sovet dövründə kolxoza məxsus olan fermaları da özününküləşdirib, örüş yerlərini zəbt edib. İndi kənd camaatı öz mal-qarasını otarmağa yer tapmır.
Əmənulla o qədər artırıb ki, kəndin icra nümayəndəsi Şahini başqa kənddən gətirib təyin etdirib, kəndin bələdiyyə sədri Elmanı seçdirib. Bir sözlə, kəndxudalıq edir. Şahin eyni zamanda Əmənullanın biznesinə mühasiblik edir.
İndi təsəvvür edirsiniz, kəndin 500 hektar torpağını zəbt edən Əmənulla həmin ərazidən şəhid atasına 10 hektar torpaq sahəsi vermək istəmir, amma özü 500 hektarı qamarlayıb.
Şəhidin atası deyir ki, onun övladının bu topraq uğrunda heç barmağı da qanamayıb, amma mən oğul itirmişəm...
Şəhidin atası dəfələrlə Neftçala Rayon İcra Hakimiyyətinin başçısı Mirhəsən Seyidovun qəbulunda olsa da heç bir nətəcə olmayıb.
Vidadi kişi deyir ki, icra başçısı və onun müavinləri mənə, “Əmi, yaxşı olacaq, darıxma” deyərək yola verirlər.
Bütün bu ədalətsizlik və süründürməçilikdən bezən şəhid atası bu il may ayının 20-də, saat 14-00-da Azərbaycan Respublikası Prezidentinin Ərazi-təşkilat məsələləri üzrə köməkçisi-şöbə müdiri Zeynal Nağdəliyevin qəbulunda olub.
Şəhid atasının dediyinə görə, Zeynal müəllim onu çox yüksək səviyyədə qəbul edib və rayonun kuratoru Dəyanət müəllimi çağıraraq məsələni təcili araşdırmağı tapşırıb.
Dəyanət müəllim 10 dəqiqədən sonra gələrək məruzə edib ki, icra başçısı ilə danışdım, sahibkar Əmənulla da razıdır, gəlsin torpağı verək.
Amma təəssüf ki, rayonun icra başçısı Mirhəsən Seyidov hətta rəhbərliyin də göstərişini saymayıb.
Bütün bunlar azmış kimi, icra hakimiyyəti ən çirkin yola əl ataraq şəhid ailələrini üz-üzə qoyur.
Belə ki, icra hakimiyyəti tərəfindən “təmin” olunan bəzi şəhid valideynləri Vidadi kişinin üzərinə gələrək deyirlər ki, bu işdən əl çək.
Şəhid atası onu da qeyd etdi ki, icra başçısı Mirhəsən Seyidov rayon camaatını yaxşı tanımır, onu müavini Bürcəli idarə edir.
Söhbətimizin sonunda şəhid atasının dedikləri bizi lap sarsıtdı.
Onun dediklərinə görə, icra hakimiyyəti Prezident Administaraiyasına hesabat göndərib ki, şəhid Şahmar Mənafovun hüzr məclisinə “ 10 kilo kartof, 5 kilo soğan, 5 paçka salfetka, 3 kilo yağ göndərmişik”.
Sözün düzü, Vidadi kişinin bu son sözlərindən sonra yazmağa söz tapmadıq.
Düşünürük ki, yazının dərcindən sonra müvafiq dövlət qurumları lazımi addımı atacaqlar.
P.S. Hörmətli Neftçala Rayon İcra Hakimiyyətinin başçısı Mirhəsən Seyidov, biz QHT rəhbərləri və jurnalist təşkilatları olaraq Füzuli rayonuna əsgərlərlə görüşə gedəndə, şəxsən bizə xahiş edirdin ki, sizdən sonra deyin mənə də söz versinlər. Biz onu etdik. Sənə həmişə doğma yanaşdıq. Ön xətdə getməməyin üçün bizə xahiş etdin. Səni aparmadıq, dedik ki, çox gəncsən. Eybi yox, böyüyər xalqımız üçün gərəkli övlad olar. Axı, sənin getməyə cəsarət etmədiyin yerlərdə şəhid olanların hüquqlarını pozmağa sənin ixtiyarın yoxdur. Bir dostumuz kimi səndən xahiş edirik ki, şəhidin atasına hörmətlə yanaşın, onun istəklərinə müsbət münasibət sərgiləyin. İmkan verin şəhidimizin RUHU rahat olsun. AXI O BU GÜN SAĞ OLSAYDI ONUN ATASI VİDADİ KİŞİNİN SƏNDƏN HEÇ BİR TƏLƏBİ OLMAZDI. BÜTÜN NEFTÇALA CAMAATI BİLİR Kİ, VİDADİ KİŞİNİN ŞƏHİD QƏHRƏMANI SAĞ OLANDA ONUN HEÇ NƏYƏ EHTİYACI OLMAYIB, HEÇ KİMDƏN HEÇ NƏ UMMAYIB. VERİN ONUN İSTƏDİYİNİ!!!(gundelik-baku.com)

Xəbərtv.info

Digər xəbərlər

Zahid Oruc AZTV-ni necə birinci etdi? — BİABIRÇI SORĞU
Qoşulmama Hərəkatının Parlament Şəbəkəsinin Bakı Bəyannaməsi qəbul edilib
KOBİA işçisinin topladığı var-dövlət hardandı? –
Azərbaycanda daha 2383 nəfər COVID-19-dan sağalıb, 1307 nəfər yoluxub, 27 nəfər vəfat edib
Hikmət Hacıyev Zəngilan və Cəbrayıla səfərdən yazdı
"Protiv" sürüb avtomobilin yolunu kəsdi, sonra əli ilə... - VİDEO
FHN əməkdaşları uşağı belə xilas etdi - VİDEO
Ölkədə bu gün peyvənd olunanların sayı açıqlandı
Valideynlər məktəbli formasını “Panda Kids”dən almağa məcbur edilir - "Tapşırıq BŞTİ-dən gəlib"
Başçının sabiq müavini şəhid bacısına: - “Qardaşın hərbidə nə iş gördü ki, sən də gedib neyləyəsən”
XİN-dən Ermənistana cavab
"Deyirdilər, anan bizim pərdələri yuyur, mən də onları döyürdüm"
Milli Məclisin sədri Sahibə Qafarova Latviya parlamentinin sədri İnara Murniyetse ilə görüşüb
Bu ölkədə 5 min nəfərlik kütləvi məzarlıq aşkarlandı
Korrupsiyaya yol verən daha bir şirkət rəhbəri həbs edilib
Düşmənin Ağdərə istiqamətində xeyli sayda hərbçisi məhv edilib və döyüş texnikası sıradan çıxarılıb
Lider TV bütün əməkdaşlarını işdən çıxardı
Bu gün Dünya Azərbaycanlılarının Həmrəylik Günüdür
Meyxanaçı Vüqar Biləcəri dəfn olundu - Karantin qaydaları pozuldu + FOTO
95 yaşlı istefada olan polkovnik-leytenantdan ordumuza dəstək
Milli Cəbhə Partiyası (MCP) Dövlət qeydiyyatına alındı
Baş nazir Prezidentin işdən çıxardığı şəxsi niyə özünə müşavir seçdi? (ŞƏRH)
Bakıda daha bir tələbə dəm qazından boğuldu
Mikayıl Cabbarova yeni müavin təyin olundu
Zəngilan və Kəlbəcərdəki qızıl mədənlərində qazıntılarla bağlı müqavilələr imzalanıb
Fondun Qusar rayon şöbəsinin müdiri və 3 əməkdaşı işdən çıxarıldı
Bakının mərkəzində mal-qara kəsimi: qan axıdılmaqda davam edilir
Azərbaycanın hava məkanını zəbt etmiş Cahangir Əsgərova "dur" deyən tapılmır...
Azərbaycanda “Aİ-95” markalı benzin bahalaşa bilər -
"Milyonlarla qiyməti olan bağ evi DÖVLƏT MƏMURUNUNDUR" - Ayandan ŞOK İDDİA
{sape_links}{sape_article}