Son dəqiqə
16-06-2022, 13:37
601

Prezidentin mesajları: Hərbi güc tətbiqi ehtimalları, yeni birlik ideyası, Laçındakı “dəhlizin sonu” – TƏHLİL

Prezidentin mesajları: Hərbi güc tətbiqi ehtimalları, yeni birlik ideyası, Laçındakı “dəhlizin sonu” –
Prezident İlham Əliyev “Qlobal dünya nizamına təhdidlər” mövzusunda keçirilən Qlobal Bakı Forumunun açılış mərasimində çıxış etdi.

İlham Əliyevin beynəlxalq təmsilçilər önündə etdiyi çıxışın əsas hissəsi Azərbaycan-Ermənistan münasibətlərinə həsr olundu.

Prezidentin nitqində bu mövzuda ən çox diqqət çəkən məqamları çatdırmaq istərdik.

İlham Əliyev Ermənistanın 10 noyabr üçtərəfli bəyanatının icrasına yaratmaq istədiyi maneələrdən söz açdı.

İrəvan ən çox Zəngəzur dəhlizinin açılması və Rusiya sülhməramlılarının müvəqqəti yerləşdiyi Azərbaycan ərazilərindən erməni silahlılarının çıxarılması məsələsində sürüşkən mövqe nümayiş etdirir.

Hərçənd ki, Azərbaycan 10 noyabr bəyanatının icrası ilə bağlı götürdüyü öhdəlikləri yerinə yetirir, Ermənistanla Laçın yolu vasitəsilə Qarabağdakı erməni əhalinin əlaqəsini təmin edir.

Bu, Azərbaycan dövlətinin postmünaqişə dövründə humanitar missiya ilə çıxış etdiyinin sübutudur, lakin Ermənistan üzərinə qoyulan kapitulyant öhdəliklərindən qaçmağa cəhd edir.

Həmçinin Azərbaycanla Naxçıvan Muxtar Respublikasının quru əlaqəsini təmin edən kommunikasiya xəttinin – Zəngəzur dəhlizinin açılması məsələsində yaxasını kənara çəkir.

Prezident İlham Əliyevin bu mövzudan danışarkən apardığı bir paraleli önə çıxara bilərik.

İlham Əliyev bizim adət etdiyimiz Laçın dəhlizi ifadəsi əvəzinə, “Laçın yolu” ifadəsini işlədir, lakin Zəngəzur mövzusunda dəhliz termininə müraciət edir.

Hesab etmək mümkündür ki, Laçın yolunda dəhliz rejiminin tətbiq olunmayacağı müzakirələr masasındadır.

Azərbaycan bununla yanaşı, Zəngəzur keçidinin dəhliz məntiqi ilə istifadəyə verilməsində israrlıdır və təkid çəkicini Ermənistanın başı üzərində fırladır.

10 noyabr bəyanatının 4-cü maddəsinə gəlincə, Ermənistan bunu da manipulyasiya edərək “status” mövzusuna istinad edir, həmin əraziləri hərbiləşdirmək sevdasına düşür, hərçənd ki, bu mövqenin özü də çoxbaşlıdır.

Azərbaycan “status” mövzusuna nöqtəni qoyub və həmin ifadəni tarixin arxivinə göndərən hərbi-siyasi şərait yaradıb və hüquqi addımlarla bunu gücləndirib.

İndi Ermənistanın mövcud olmayan bir subyektdən yapışması yalnız xəyali təsəvvürlərə söykənir.

Amma xam xəyalların rəsmi səviyyədə elanı belə Azərbaycanın suverenliyinə, ərazi bütövlüyünə hörmətsizlik əlamətidir.

Bu hörmətsizliyi isə güc yolu ilə aradan qaldırmaq zərurəti sürətli şəkildə böyüyür.

İlham Əliyev deyib ki, Ermənistanın status mövzusuna istinad etməsi yeni konfrontasiyanın yaranmasına gətirib çıxara bilər.

Həmin ssenarinin hərbi mənzərəsini yaratsaq, deyə bilərik:

1. Azərbaycan güc yolu ilə Qarabağdakı separatçıların başını əzir,

2. Paralel olaraq Ermənistandakı Azərbaycanın tarixi ərazilərinin geri qaytarılmasını təmin edir. Bunun üçün Azərbaycan ordusunun Ermənistanın istənilən dərinliyinə sıza biləcək elit qüvvələri mövcuddur.

İlham Əliyevin “Ermənistan Azərbaycanın ərazi bütövlüyünü sual altına qoysa, bizim başqa seçimimiz qalmayacaq. Biz də həmçinin Ermənistanın ərazi bütövlüyünü sual altına qoyacağıq” deməsi həmin kontekstlər əsasında dəyərləndirilməlidir.

İlham Əliyevin çıxışında bir yeni detal da rəsmi şəkildə bildirildi: Cənubi Qafqaz ölkələrinin – Azərbaycan, Gürcüstan və Ermənistan - əməkdaşlıq formatının təsis edilməsi.

Prezident deyib ki, Azərbaycanla Gürcüstan bu formatda xarici işlər nazirləri səviyyəsində ilk dialoqun başlanması üçün görüş təklif etsə də, Ermənistan bundan imtina edir.

Görünür ki, Ermənistan regional üçlük formatına gəlmək istəmir, olsun, bu, onun öz başında çatlayan səbəblər gətirir.

Azərbaycanın bu təklifini “Cənubi Qafqazda birlik ideyası” adlandıra bilərik və bu digər ölkələrlə əməkdaşlığı da inkişaf etdirən platforma hesab olunur.

İlham Əliyevin nitqinin həmin hissələri üzrə gələ biləcəyimiz QƏNAƏT:

1. Azərbaycan Ermənistanın “çək-çevir”lərinə strateji təmkinlə adekvat cavablar verəcək,

2. Bakı Cənubi Qafqazda yaranan reallığı yeni əməkdaşlıq platformasına inteqrasiya etmək planları üzərində işləyir.

Xəbərtv.info

Digər xəbərlər

Zahid Oruc AZTV-ni necə birinci etdi? — BİABIRÇI SORĞU
Qoşulmama Hərəkatının Parlament Şəbəkəsinin Bakı Bəyannaməsi qəbul edilib
KOBİA işçisinin topladığı var-dövlət hardandı? –
Azərbaycanda daha 2383 nəfər COVID-19-dan sağalıb, 1307 nəfər yoluxub, 27 nəfər vəfat edib
Hikmət Hacıyev Zəngilan və Cəbrayıla səfərdən yazdı
"Protiv" sürüb avtomobilin yolunu kəsdi, sonra əli ilə... - VİDEO
FHN əməkdaşları uşağı belə xilas etdi - VİDEO
Ölkədə bu gün peyvənd olunanların sayı açıqlandı
Valideynlər məktəbli formasını “Panda Kids”dən almağa məcbur edilir - "Tapşırıq BŞTİ-dən gəlib"
Başçının sabiq müavini şəhid bacısına: - “Qardaşın hərbidə nə iş gördü ki, sən də gedib neyləyəsən”
XİN-dən Ermənistana cavab
"Deyirdilər, anan bizim pərdələri yuyur, mən də onları döyürdüm"
Milli Məclisin sədri Sahibə Qafarova Latviya parlamentinin sədri İnara Murniyetse ilə görüşüb
Bu ölkədə 5 min nəfərlik kütləvi məzarlıq aşkarlandı
Korrupsiyaya yol verən daha bir şirkət rəhbəri həbs edilib
Düşmənin Ağdərə istiqamətində xeyli sayda hərbçisi məhv edilib və döyüş texnikası sıradan çıxarılıb
Lider TV bütün əməkdaşlarını işdən çıxardı
Bu gün Dünya Azərbaycanlılarının Həmrəylik Günüdür
Meyxanaçı Vüqar Biləcəri dəfn olundu - Karantin qaydaları pozuldu + FOTO
95 yaşlı istefada olan polkovnik-leytenantdan ordumuza dəstək
Milli Cəbhə Partiyası (MCP) Dövlət qeydiyyatına alındı
Baş nazir Prezidentin işdən çıxardığı şəxsi niyə özünə müşavir seçdi? (ŞƏRH)
Bakıda daha bir tələbə dəm qazından boğuldu
Mikayıl Cabbarova yeni müavin təyin olundu
Zəngilan və Kəlbəcərdəki qızıl mədənlərində qazıntılarla bağlı müqavilələr imzalanıb
Fondun Qusar rayon şöbəsinin müdiri və 3 əməkdaşı işdən çıxarıldı
Bakının mərkəzində mal-qara kəsimi: qan axıdılmaqda davam edilir
Azərbaycanın hava məkanını zəbt etmiş Cahangir Əsgərova "dur" deyən tapılmır...
Azərbaycanda “Aİ-95” markalı benzin bahalaşa bilər -
"Milyonlarla qiyməti olan bağ evi DÖVLƏT MƏMURUNUNDUR" - Ayandan ŞOK İDDİA
{sape_links}{sape_article}