Son dəqiqə
Təhsil
7-12-2022, 17:10
545
Şagirdlərin üst geyimi ilə dərs keçdiyi məktəb barədə açıqlama
![Şagirdlərin üst geyimi ilə dərs keçdiyi məktəb barədə açıqlama](https://qafqazinfo.az/uploads/1670413276/Screenshot_2.png)
Sosial şəbəkələrdə Tovuz rayonu, Əsrik Cırdaxan kənd Məstan Əliyev adına tam orta məktəbdən fotolar yayılıb. Görüntülərdə şagirdlərin sinif otağında üst geyimi və papaqla oturduğunu görmək mümkündür.
“Azərbaycan Universitetləri” səhifəsində paylaşılan fotoda məktəblilərin sinif otağında parta arxasında deyil, böyük masa ətrafında toplaşmaları da müzakirələrə səbəb olub.
Məsələ ilə bağlı Elm və Təhsil Nazirliyinə sorğu ünvanladıq. Qazax-Tovuz Regional Təhsil İdarəsinin aparıcı məsləhətçisi Nəcibə Vəliyeva cavab olaraq bildirdi ki, sözügedən şəkil dekabrın 2-si çəkilib:
“Həmin məktəb istilik sistemi ilə yaxşı təmin edilib, şagirdlərin əyləşməsi üçün yetərincə partalar mövcuddur. Şəkil məktəbdə təşkil edilən maarifləndirici söhbətdəndir. Həmin gün kənddə işıqlar söndüyü üçün məktəbdə istiliklə bağlı problem yaranıb və şagirdlər üst geyimləri ilə əyləşib”.