Son dəqiqə
İdman
5-07-2023, 13:36
140
“Neftçi” Emin Mahmudovu liqamızın ən çox qazanan yerli futbolçusu edir: Kapitan komandaya nə vaxt qoşulacaq?
“Neftçi” kapitanı Emin Mahmudovla yeni müqavilə imzalamağa çox yaxındır.
XəbərTv.info-nun əldə etdiyi məlumata görə, tərəflər üç illik sözləşməni razılaşdırıblar.
Hazırda klub futbolçu ilə müqavilənin son detallarını müzakirə edir. Anlaşmaya əsasən, Eminin məvacibi artırılacaq. Bununla o, Azərbaycan çempionatında yerli futbolçular arasında ən çox maaş alan futbolçu olacaq. Dəqiq rəqəm məlum olmasa da, oyunçunun məvacibinin bonuslarla birlikdə yarım milyon manata yaxın olacağı bəllidir.
Digər məlumata görə, tərəflər bu gün yeni müqaviləni imzalayacqlar və Emin Sankt-Peterburqda olan komandaya qoşulacaq. Lakin “ağ-qaralar”ın Mətbuat Xidmətinin rəhbəri Rüstəm Allahverdiyev Oxu.Az-a bildirib ki, onun kollektivə nə zaman qoşulacağı hələlik bəlli deyil və klub kapitanı ilə danışıqları davam etdirir.
Qeyd edək ki, E.Mahmudov 2017-ci ildə Portuqaliyanın “Boavişta” klubundan “Neftçi”yə keçib. O, keçən mövsüm paytaxt təmsilçisinin heyətində bütün turnirlərdə 45 oyun keçirib, 19 qol və 11 məhsuldar ötürmə ilə yadda qalıb.