Son dəqiqə
5-07-2023, 19:37
282

Ağstafa İcra Hakimiyyətinin 200 minlik ŞÜBHƏLİ TENDERİ - FOTO

Ağstafa İcra Hakimiyyətinin 200 minlik ŞÜBHƏLİ TENDERİ -
Ağstafa Rayon İcra Hakimiyyətinin mayın 17-də “Ağstafa rayonunda abadlıq işlərinin satınalınması” üçün elan etdiyi tenderin nəticələri və qalibi açıqlanıb.

XəbərTv.info Bizim.Media-ya istinadla xəbər verir ki, maliyyə dəyəri 195 880 manat olan tenderin qalibi “Topxana Layihə İnşaat” MMC (VÖEN - 2000157981) olub.

Tərəflər arasında bağlanacaq satınalma müqaviləsinin şərtlərinə əsasən şirkət Ağstafa rayonu ərazisində təmir və bərpa işlərini həyata keçirəcək. Bu işlər sırasına 410 metr sahədə beton-bort daşlarının quraşdırılması, 14,1 kubmetr sahədə qum-çınqıl qatışığından ibarət əsasların döşənək və hamarlayıcı qatlarının qurulması, və təbii qum-çınqıl qatışığının tökülməsi, 1 883 kvmetr sahədə sıx iri-dənəvər AB və ABV tipli asfalt-beton qatışığından qalınlığı 4 sm olan örtüyün qurulması, eləcə də örtüyün qalınlığı 0,5 sm dəyişdikdə əlavə etmək və ya çıxmaq və digər 76 adda təmir-tikinti işləri daxildir.

Qeyd edək ki, Əli Bayramovun rəhbərlik etdiyi "Topxana Layihə İnşaat" MMC 1996-cı ildə yaradılıb və İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsi tərəfindən qeydiyyatına alınıb.

Araşdırmalarımız zamanı məlum oldu ki, şirkət yarandığı vaxtdan bu günə qədər qalmaqallı tender layihələrində iştirak edib və hər dəfə dövlətə vergi borcunun olduğu ortaya çıxıb.

Belə ki, 2022-ci ilin oktyabr ayında 26 186.25 manat vergi borcunun olmasına baxmayaraq, Azərbaycan Meliorasiya və Su Təsərrüfatı ASC-nin Beyləqan Suvarma Sistemləri İdarəsinin 228 478 manatlıq tenderində qalib olub. Təkcə bu fakt sübut edir ki, həm şirkət, həm də ASC tender qanunvericiliyinin müddəalarını kobud şəkildə pozub.

Yəni, “Dövlət Satınalmaları haqqında” Qanunun 6.2.5-ci maddəsinin tələbləri vergi borcu olan şirkətlərin tenderdə iştirakını istisna edir.

Həmin ilin dekabr ayının sonlarına yaxın şirkət ilk dəfə Ağstafa RİH başçısının Ağstafa Şəhər İnzibati Ərazi Dairəsi Üzrə Nümayəndəliyi “Abadlıq işlərinin satınalınması” ilə bağlı elan etdiyi tenderin qalibi olub və tərəflər arasında 434 min 695 manat məbləğində müqavilə imzalanıb.

Bu fakt və yeni açıqlanan tender sübut edir ki, rayon ərazisində ötən ilin dekabr ayından başlayan abadlıq işləri hələ də başa çatmayıb və şirkətin bu işlərə davam etməsi üçün yeni maliyyə mənbələrinə ehtiyacı yaranıb.

Qeyd edək ki, şirkət ötən il ərzində Xızı Rayonu İcra Hakimiyyəti başçısının Xızı Şəhər İnzibati Ərazi Dairəsi üzrə Nümayəndəliyinin 349 min 516 manat dəyərində “Xızı şəhərində yolların əsaslı təmiri” (15.09.2020), “Bakı Konqres Mərkəzi" Məhdud Məsuliyyətli Cəmiyyətinin elan etdiyi 696 min 200 manat dəyərində “”Bakı Konqres Mərkəzi” MMC-nin 2022-ci il üçün mexanika, elektrik, santexnika, yanğından mühafizə sistemləri üçün texniki xidmətin, təmir işlərinin və bu sistemlər üçün ehtiyat hissələrinin satınalınması” (13.06.2022) və "Aqroservis" Açıq Səhmdar Cəmiyyətinin 298 min 540 AZN dəyərində “Müxtəlif obyektlərin layihə-smeta sənədlərinin hazırlanması işlərinin satınalınması” (23.02.2022) tenderlərinin də qalibi olub.

Bu tenderlərin ümumi dəyəri iki milyon manatdan artıqdır.

"Topxana Layihə İnşaat" MMC cari ilin yanvar və və mart aylarında Biləsuvar şəhər, Mübariz İbrahimov küçəsində iki dəfə asfaltlanma işlərini həyat keçirib. Belə ki, yanvar ayında döşənən asfalt yolunu mart ayında sökərək yenidən təmir ediblər. Çünki həmin yolun müəyyən hissələrində dağılmalar əmələ gəlib.






Digər xəbərlər

Düşmənin qənimət kimi götürülmüş hərbi texnikası Bakıda nümayiş etdiriləcək
İlham Əliyev türklərin gəldiyi gün ruslara bu mesajı verdi
Qarabağda dağıdılan məscidlərin bərpası üzrə işlər başlanıldı
DTX-dən ƏMƏLİYYAT: Bir neçə general SAXLANILDI
BDU-da kimin sözü keçərlidir? - İTTİHAM
Azərbaycanın dövlət sərhədini pozan iki nəfər saxlanılıb
Mehriban Əliyeva: “Nə dərəcədə insaniyyətdən kənar olmalısan ki, qəbiristanlığı atəşə tutasan?”
Messi Ronaldonu üstələyib rekorda imza atdı
Azərbaycanlı müğənni ürək tutmasından vəfat etdi - FOTO
Ali məktəblərə ixtisas seçiminin vaxtı AÇIQLANDI
Azərbaycan neftinin qiyməti 127 dollara yaxınlaşıb
Azərbaycanda tədris prosesi dekabrın 1-dək distant qaydada davam etdiriləcək
Əhmədzadə vəzifədən getsə də ƏNƏNƏLƏRİ YAŞAYIR...
Nağılları ilə erməniləri aldadan Solovyov günah keçisinə çevrilir
Baş Prokurorluğun mətbuat xidmətinə yeni rəhbər təyin edilib
Xumar Qədimova: "Sevdiyim kişi dünyasını dəyişdi" - MÜSAHİBƏ
Qarabağdakı Rusiya-Türkiyə Birgə Monitorinq Mərkəzi fəaliyyətə başlayır
Azərbaycan Prezidentinin "BBC"yə müsahibəsi sosial şəbəkələrdə rezonans doğurdu
Livanın yeni Baş Naziri istefa verdi
Zakir Həsənov Rusiyanın müdafiə naziriylə görüşdü
Qanı dərmansız necə təmizləmək olar?
ABŞ İrana qarşı yeni sanksiyalar tətbiq etdi
Azərbaycanlı aparıcını təyyarəyə buraxmadılar - "Dedilər ki..."
Küveyt hökuməti istefaya getdi
Mənə niyə Xəyanət etdin.Hadisə!!
Milli Məclis Sədrinin müavini Adil Əliyev bir qrup jurnalist və siyasi şərhçilərlə görüşüb
İslam aləminin ən böyük alimlərindən biri maşınına bomba qoyularaq qətlə yetirildi
Azərbaycanda Siqaret Monopoliyası: Araz Ağalarov, Cavanşir Feyziyev Və…
Prezident Qarabağın statusu məsələsinə nöqtə qoydu - VİDEO
Sosial şəbəkələrə giriş qadağan edildi
{sape_links}{sape_article}