Təcridxanaya narkotik və psixotrop maddələrin keçirilməsinin qarşısı alınmışdır

Penitensiar xidmətin əməliyyat aparatının həyata keçirdiyi əməliyyat-axtarış tədbirləri nəticəsində Bakı istintaq təcridxanasına narkotik və psixotrop maddələrin keçirilməsi cəhdinin qarşısı alınmışdır.

Cinayət Məcəlləsinin 234.1-ci maddəsi ilə təqsirli bilinərək həbs edilmiş şəxs Elçin İsmayıl oğlu Osmanova tanışı Bakı şəhər sakini Rauf Abbas oğlu Yusifov tərəfindən gətirilmiş sovqata baxış keçirilən zaman, orada olan siqaret qutusunun içərisində gizlədilmiş 2 ədəd kağız bükülüdə ümumi çəkisi 0,392 qram olan psixotrop maddə - metamfetamin və ümumi çəkisi 0,204 qram olan narkotik maddə - heroin aşkar olunmuşdur.

Faktla bağlı araşdırma aparılır.

XəbərTv.info