Son dəqiqə
İdman
7-07-2023, 19:48
137
Avropa birinciliyi: Azərbaycan daha üç qızıl medal qazandı - VİDEO
Moldovanın paytaxtı Kişineuda keçirilən 15 və 17 yaşlı yeniyetmə oğlan və qızlar arasında Avropa birinciliyi davam edir.
XəbərTv.info xəbər verir ki, Azərbaycanın ağırlıqqaldıranı üç qızıl medal qazanıb.
Yaşı 15-ə qədər olan oğlanlar arasında 81 kiloqram çəki dərəcəsində mübarizə aparan Hüseyn Heydərov birdən qaldırma hərəkətində 118 kiloqramı başı üzərinə qaldırıb və bu hərəkətdə Avropa birinciliyinin qızıl medalına layiq görülüb.
O, təkanla qaldırma hərəkətində uğurlu çıxışla yadda qalıb. Hüseyn 139 kiloqramı ram edib və bu hərəkətdə də Avropanın ən yaxşısı olub.
Toplam 257 kiloqram (118+139) nəticə göstərən Heydərov yekun sıralamada da qızıl medal qazanaraq fəxri kürsünün ən yüksək pilləsinə qalxıb.
Qeyd edək ki, daha əvvəl Ravin Alməmmədov üç qızıl, Yunis Bayramov gümüş və bürünc, Turan Əliyev bürünc, Amin Osmanov bir qızıl və iki gümüş medal qazanıb. Bununla da medal sayımız 12-yə çatıb: 7 qızıl, 3 gümüş və 2 bürünc.