Mirsaleh Seyidovla Behbudovların arasında nələr baş verib?

Xatırladaq ki, bu yaxınlarda aktualxeber.az saytında “ABŞERON-XIZI REGİONAL TƏHSİL İDARƏSİNDƏ TÖRƏDİLƏN QANUNSUZLUQLAR”, “Sələmçilikdə ad çıxarmış direktor” və “Vətəndaşları dövlətdən narazı salan Behbudovlar” başlıqlı məqalələr dərc etmişdik. Məqalələr redaksiyamıza müraciət etmiş Rzayev Vidadi Əsədulla oğlunun və digər şəxslərin verdiyi məlumatlar əsasında hazırlanmışdı.
Həmin vətəndaşların iddia etdiklərinə görə Abşeron-Xızı Regional Təhsil İdarəsində və Qobudakı 3 nömrəli tam orta məktəbdə çox ciddi qanun pozuntuları var. Xüsusən də 3 nömrəli tam orta məktəbin direktoru Xuraman Behbudovanın 8 Martla əlaqəli müəllimələrin və valideyin komitələrinin israrı ilə hər şagirddən müəyyən məbləğdə pul tələb etdirməsi, repititor yanına gedən və adı 3 nömrəli tam orta məktəbdə olsa da əslində şəhər məktəblərində oxuyan şagirdlərin valideynlərindən 1000-1500 manat rüşvət alması, texniki işçiləri də rüşvətlə işə qəbul etməsindən bəhs etmişdik. X.Behbudova arxasında əmisi oğlu, adı daim müxtəlif korrupsiya olaylarında hallanan ƏƏSMN-nin Sosial Xidmətlər Agentliyinin sədri Vüqar Behbudovun durduğunu deyir. Qohumuna arxalanaraq təhsil ocağını korrupsiya yuvasına çevirən X.Behbudova yığdığı çirkli pulları Qobu qəsəbəsində sələmə verməklə də ad çıxarıbdı.
Onun havadarı olan əmisi oğlu isə vətəndaşları dövlətdən narazı salmaqla məşğuldur. Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinə 2020-ci ildə sədr təyin edilən Vüqar Behdudovun fəaliyyəti bütövlükdə hökumətin sosial siyasətini biabırçı duruma salıbdı. Xuraman Behbudovanın “krışası” onun kimi min manatlar deyil, milyonlar mənimsəməklə məşğuldur.
Dünən Prezident İlham Əliyevin sərəncamı ilə Mirsaleh Miradil oğlu Seyidov Azərbaycan Respublikası ədliyyə nazirinin müavini – Penitensiar Xidmətin rəisi təyin edildi. Qeyd edək ki, o, bu təyinatadək Penitensiar Xidmətin Əməliyyat-Rejim İdarəsinin rəisi olub. Mirsaleh Seyidov həmin vəzifəyə 2016-cı ilin oktyabrında təyin edilibdi. Bu təyinata sevinməyənlər içərisində Xuraman və Vüqar Behbudovlar da varıydı. Bunun da əsaslı səbəbləri var. Belə ki, Xuramanın vətəndaşların etibarından sui-istifadə edərək külli miqdarda pullar aldığı vaxtlarda daim bacısı Könül və onun keçmiş polis zabiti olan həyat yoldaşı Xaqani Həsənov direktorun günahlarını öz boyunlarına götürüblər. Belə ki, işləri düzəlməyən insanlar şikayət edərkən həmişə Könül özünü qabağa verib məsuliyyəti üzərinə götürübdü. Bu minvalla 7 dəfə məhkumluq həyatı yaşamalı olan Könül xanımın yolu Mirsaleh Seyidovun nəzarətində olan həbsxanalardan keçməli olubdu. Behbudovlara da elə gəlir ki, M.Seyidov Vüqarın bacısı Esmira Behbudovanın çoxdankı əməllərinin heyfini onlardan çıxa bilər. Əslində isə bu belə deyi və bu barədə növbəti yazımızda açıqlama verəcəyik.
Mövzuya qayıdacağıq və yazıda adları keçən şəxsləri də dinləməyə hazırıq.(aktualxeber.az)

XəbərTv.info