Ərəb Basem Darviş Fəhmi oğlunun Azərbaycandakı cinayət əməlləri... - Nərimanovda yerləşən "Ekstra" klubda Basemin qadın alveri...

İnsan Alverinə Qarşı Mübarizə Baş İdarəsi məsələni nəzarətə götürməlidir.
İNFİNİTİ, ELİPİS, EKSTRA gecə klublarında nələr baş verir..?
Redaksiyamıza təşrif buyuran Darviq Elnarə Parış qızı başına gələn müsibətlər barədə danışdı. Onun danışdıqlarını olduğu kimi dərc edirik: “Mən Elnarə Parış qızı 1977-ci ildə İmişlinin Gövhərli kəndində anadan olmuşam. Birinci evlilikdən 2 övladım var. Başqa yolum olmadğı üçün onları 2 saylı UŞAQ evinə verərək ( direktor çox hörmətli Sevda xanım ) işləməyə, çalışmağa, ayaqda durmağa başladım. Özüm həm də Bakıda Xutorda bacım gildə qalırdım. Bir gün 2004-cü ildə “Dialoq” firmasl mənə Antalyada iş təklif elədi. Mən Antalyada ailədə işə düzəldim. Orada ilyarım işləyərək, hər ay 1200 dollar əmək haqqı alırdım. Hər ay Bakıya gələrək vizamı yeniləyirdim, həm də uşaqlarımı görürdüm. Və aldığım pulları Dəmirbankdakı kartıma qoyurdum. Və öz zəhmətimlə qazandığım pulla Binəqədidə qanuni, sənədli torpaq sahəsi aldım. Antalyada ilyarım çalışandan sonra mənə Birləşmiş Ərəb Əmirliyinə viza açdılar və iş üçün getdim Əbu Dəbiyə. 10 gün olardı getmişdim və ərəb, ingilis dillərini bilmədiyim üçün müəyyən əngəl yaranmışdı. Və orada ərəb olan Bəsimlə tanış oldum. Onun 29, mənim isə 27 yaşım var idi. Bəsim də mənim kimi evli olmuşdu və boşanmışdı. Bizim aramızda sevgi münasibətləri yarandı. O, mənə Elnarə deyə bilmirdi, Məryəm deyirdi. Mən Bakıya qayıtmaq istəyəndə, Bəsim mənə dedi ki, getsən, məni tək qoysan özümü öldürəcəm. Beləliklə biz birlikdə Bakıya gəlmək qərarına gəldik. Mən Azərbaycan Respublikasının BƏƏ-dəki səfirliyinə getdim, orada səfirin müavini hörmətli Pərviz müəllimlə rastlaşdım. Çox dəyərli insan olan Pərviz müəllim Bəsimə dedi ki, bizim qızımızı incitmə haa...
Sözün qısası, mən Bəsimlə rəsmi nikaha daxil oldum. Və səfirin müavini Pərviz müəllim Bəsimə dedi ki, Elnarəyə görə, sənə Azərbaycana getmək üçün viza veririk. Yeri gəlmişkən, BƏƏ-də Bəsimlə mənim Ruqayyə adında qızımız dünyaya gəldi. Və Pərviz müəllimin köməyi ilə qızım Ruqayyəyə doğum haqqında şəhadətnamə aldıq. Və Bəsimlə gəldik Azərbaycana. İlk olaraq 2 saylı uşaq evindəki uşaqlarımı gətirdim yanıma. Və öz adıma torpağımı satdım, bankdakı pullarımı götürüb Gürcüstana maşın gətirmək üçün getdim. Və beləcə biznes fəaliyyətinə başladım, pullar qazandım. Qardaşlarım da kömək elədi, gətirdiyim maşını OLİMP ( AAF) şirkətinə verdik və əvəzinə özümə mənzil götürdüm. Həmin vaxtlar Bəsim "BEYRUT" və "Tongal" restoranlarında ofisiant kimi işləməyə başladı. Bir gün Bəsim dedi ki, "AZMEKO" şirkətində işə düzəlirəm və mənə deyiblər ki, ailənlə tanış olmaq istəyirik. Mən başıbağlı formada şirkətin nümayəndələri Nəsib və Kənan müəllimlə tanış oldum. Onlarla çay içərək söhbət elədik. Onlar Bəsimə dedilər ki, bu xanıma görə səni işə götürürük, özü də ayda 700 manat maaşla. Yəni Bəsim müxtəlif şirkətləri yeməklə təchiz edən "KATRİNQ" şirkətində işə düzəldi. Bir müddət sonra Bəsim gəldi ki, məni həbs etmək istəyirlər, qorxuram, şirkətə 25 min manat ziyan dəyib və s. Mən o zaman Ukraynada olan Kənan müəllimlə danışdım. O mənə dedi ki, sənə xatir Bəsimi həbs etdirmirik. Ondan sonra Bəsim bir müddət bacım uşaqları ilə tikintidə usta işlədi. Sonra Bəsim BP-nin Yevlaxdakı Katrinqində işə düzəldi və biz ailəlikcə Yevlaxa köçməli olduq.
Onu da qeyd edim k, Bəsim uşaqlarımı tərbiyə etmək adı altında onları vəhşi kimi döyürdü. Nə isə, 1 il sonra Yevlaxdan qayıtdıq. Və mən Bakıdakı mənzilimi sataraq həyət evi aldım. Onu da qeyd edim ki, biz Yevlaxda olanda Bəsim Tərtərin icra başçısı Müstəqim Məmmədovla tanış olmuşdu. Və Müstəqim Bəsimə demişdi ki, sən mənə işlə... Əslində Bəsimi Yevlaxa Katrinqin rəhbəri, hindistanlı Amil göndərmişdi. Beləcə, Müstəqim Məmmədov Bəsimi öz toruna sala bilib. Və nəticədə Bəsim Yevlaxda BP-nin iclasına girib gizli çəkiliş apararkən MTN tərəfindən tutularaq Bakıya gətirilib və MTN-nin təcridxanasında saxlanılıb. 3 gün sonra Bəsim buraxıldı və evə gələrək dedi ki, MTN əməkdaşları mənə dedi ki, həyat yoldaşın səni çox istəyir... Sonra Bəsim işsiz qaldı, evdə oturdu və... Mən məcbur olub təndir sexi açdım, işlədim, həyət evimizi banka qoyub maşın aldıq... Mən 100 dərəcədə təndirdə çalışırdım ki, Zaminbanka krediti vaxtında ödəyək evimizi əlimizdən almasınlar.. Bu zaman Bəsim 2 ay İNFİNİTİ adlı gecə klubunda Dilsuzla işlədi. Sonradan bildim ki, narkotik satışına görə, Dilsuz onu işdən qovub. Dilsuz dedi ki, Bəsim gəldi yalvardı ki, düz yola qayıdıram, icazə ver işləyim... Mən bu arada, yəni 2016-cı ildə oğluma hamilə olduğum üçün artıq 100 dərəcə təndirdə işləyə bilmirdim. Ona görə də yenidən market açdıq və işləməyə başladım. Bu zamanlar Bəsim İNFİNİTİ-də çalışdığı klub dostlarını evə gətirir, evdə narkotik çəkirdilər və mən buna etiraz edirdim... 2017-ci ildə oğlum Raul dünyaya gəldi. Və bu arada Dilsuz Nərimanov rayonu, Ə.Rəcəbli ünvanında yerləşən ELİPİS, EKSTRA gecə klublarını açdı və Bəsim orada işləməyə başladı. Mən bu arada qardaşlarımla birgə Xırdalanda ev tikib satırdım. Bir də bəlli oldu ki, İNFİNİTİ Gecə klubunu işlədən iranlını Dilsuz oğurladıb zirzəmiyə salıb. Məqsəd o idi ki, İranlı işlədən İNFİNİTİ klubu Dilsuzun işlətdiyi gecə klublarına rəqib idi. Sonra iranlının övladları hay-küy salaraq Hüquq Mühafizə Orqanlarına xəbər verdilər. Nəticədə Dilsuz həbs olundu”.
Onu da bildirək ki, öz halal zəhməti ilə özünə yuva qurmuş AZƏRBAYCANLI Elnarə xanımı hamılıqla müdafiə etməliyik. Elnarə xanım isə öz növbəsində Azərbaycan Respublikasının Prezidenti cənab İlham Əliyevə, Azərbaycan Respublikasının 1-ci Vitse Prezidenti Mehriban xanım Əliyevaya, Azərbaycan Respublikasının Daxili İşlər Naziri cənab Vilayət Eyvazova, Azərbaycan Respublikası Dövlət Miqrasiya Xidmətinin rəisi Vüsal Hüseynova müraciət edərək bildirdi ki, mənim və övladlarımın həyatı təhlükədədir. Bəsimin hal-hazırda məşğul olduğu iş bizim üçün həyati təhlükə yaradır. Xahiş edirəm ki, Bəsimə cinayət işi qaldırasınız, onun mənə qarşı etdiyi zorakılıqlara Azərbaycan qanunlarının sərt üzü ilə cavab verəsiniz.
Sonda şikayətçi xanım Bəsimin öz qızını 100 min dollara ərəb şeyxinə satmasından və daha nələrdən danışdı. Bu barədə növbəti yazıda bəhs edəcəyik. Amma istər-istəməz ortaya suallar çıxır ki, görəsən biz Azərbaycanlı olaraq, öz qanımızdan olan Elnarə xanımı müdafiə edə biləcəyikmi? Əlbəttə edəcəyik. Mövzunu davam edəcəyik. Bizi izləyin.
P.S. Elnarə xanım ürəyini buz kimi saxlasın. Biz milyonlarla Bəsimləri ölkəmizdə turist kimi görə bilərik, amma Elnarə xanımlar bilməlidilər ki, onlar bu məmləkətin övladlarıdır.
(Sabahnews.az)

XəbərTv.info