Son dəqiqə
Kriminal
21-05-2024, 10:50
150
Masallı sakini həmkəndlisini ov tüfəngi ilə qətlə yetirib - YENİLƏNİB
![Masallı sakini həmkəndlisini ov tüfəngi ilə qətlə yetirib - YENİLƏNİB](/uploads/posts/2024-05/1716274114_35.jpg)
Masallıda baş verən qətl hadisəsi ilə bağlı bəzi təfərrüatlar məlum olub.
APA-nın cənub bürosunun əldə etdiyi məlumata görə qətl hadisəsi kənd ərazisində yerləşən yeməkxanaların birində baş verib.
Belə ki, Rusiyada yaşayan və Rusiya vətəndaşı olan Seymur Alişanov vətənə dönüb.
Aralarında yaranan mübahisəyə aydınlıq gətirmək üçün Aslan Ağazadə Seymurun olduğu yeməkxanaya gəlib.
O, özü ilə gətirdiyi ov tüfəngi ilə Seymura atəş açaraq onu qətlə yetirib.
Meyit daxili və xarici müayinə olunması üçün Məhkəmə Tibbi Ekspertiza və Potoloji Anatomiya birliyinin Masallı rayon şöbəsinə təhvil verilib.
Faktla bağlı rayon prokurorluğunda araşdırma davam etdirilir.
***
21:36
Mayın 20-də saat 20 radələrində Masallı rayonunun Şıxlar kəndi ərazisində rayonun Qasımlı kənd sakini, 1971-ci il təvəllüdlü Seymur Alışanovun ov silahı və kəsici alətlə qətlə yetirilməsi ilə bağlı polisə məlumat daxil olub.
DİN-in Mətbuat Xidmətinin Lənkəran regional qrupundan APA-nın cənub bürosuna verilən məlumata görə, cinayət əməlini törətməkdə şübhəli bilinən Seymur Alışanovun həmkəndlisi, 1994-cü il təvəllüdlü Aslan Ağazadə saxlanılıb.
Bildirilib ki, hadisə şəxsi münaqişə zəminində baş verib.
Araşdırma aparılır.
Xebertv.info