Son dəqiqə
Manset
7-06-2024, 15:04
150
Mais Ağayev ölkəni niyə tərk edib?
Ötən ilin iyul ayının 25-də Baş Prokuror yanında Korrupsiyaya qarşı Mübarizə Baş İdarəsi Bakı Nəqliyyat Agentliyində (BNA) əməliyyat keçirib. Əməliyyat zamanı kimlərin məsuliyyətə cəlb edilməsi məlum olmasa da, BNA haqda yazılanlardan, deyilənlərdən aydın idi ki, ortada olduqca ciddi qanun pozuntuları var.
Lakin bu əməliyyat çərçivəsində xüsusən BNA-nın mətbuat xidmətinin rəhbəri Mais Ağayevin adı hallanırdı.
Globalinfo.az-ın əldə etdiyi eksklüziv məlumata görə, M.Ağayev həmin əməliyyat zamanı saxlanılıb.
Bundan 2 ay sonra onun sərbəst buraxıldığı deyilir.
Sabiq mətbuat katibinin azadlığa buraxıldıqdan sonra ölkəni tərk etdiyi deyilir.
Daha sonra isə Mais Ağayevin Türkiyəyə getdiyi məlum olub.
Qeyd edək ki, sonuncu dəfə o, 7 fevral 2024-cü il tarixində prezident seçkilərində iştirak edib və səs verən zaman görüntülənib.
Xatırladaq ki, BNA-nın rəhbəri Vüsal Kərimli haqda da xoşagəlməz məlumatlar yayılır. Belə ki, onun Fətulla Gülən şəbəkəsinə yaxınlığı haqda iddialar var. Mətbuatda bu haqda indiyə kimi xeyli məqalə dərc olunub.
Yazıda adları keçən hər iki şəxsin mövqeyini dərc etməyə hazırıq.
Xebertv.info