Son dəqiqə
7-06-2024, 15:10
163

Vasif Talıbovun postunu kim tutacaq?

Vasif Talıbovun postunu kim tutacaq?
Yaxın vaxtlarda Azərbaycanda parlament seçkilərinin keçiriləcəyi gözlənilir. Milli Məclisə seçkilərlə yanaşı, Naxçıvan Muxtar Respublikasının Ali Məclisinə də seçkilər keçiriləcək.

TNS-nin yaydığı məlumata görə, Naxçıvanın yeni rəhbərliyi namizəd axtarışındadır. Artıq Ali Məclisin deputatı seçilmək üçün namizədliyini irəli sürəcək şəxslər müəyyənləşdirilir. Ali Məclisə seçkilərdən sonra Vasif Talıbovun boş qalan vəzifəsinə də seçki olmalıdır.

Saytın iddiasına görə, bu posta ən çox adıçəkilən şəxslərdən biri də Naxçıvan Muxtar Respublikası Ali Məclisi Aparatının rəhbəri Ülvi Hüseynlidir. Vaxtilə Vasif Talıbovun ən etibarlı adamlardan biri olan Ülvi Hüseynli Naxçıvanın yeni rəhbərliyinin dəstəyini alarsa, bu vəzifəni tuta bilər. İxtisasca jurnalist olsa da, indiyədək siyasi proseslərdə iştirak etməyən birinin bu vəzifəyə gətirilməsi Naxçıvana nə qazandıracağını demək çətindir.

Musavat.com bu məqamda sözügedən posta gətirilə biləcək digər namizədin də adını açıqlayıb. Sayt xatırladır ki, Vasif Talıbov 1995-ci ilin dekabr ayından 2022-ci ilin dekabrınadək Ali Məclis sədri vəzifəsində çalışıb. Naxçıvan MR Konstitusiyasının 30-cu maddəsinə əsasən, Ali Məclisin sədri istefa verdikdə, səhhətinə görə öz səlahiyyətlərini icra etmək qabiliyyətini itirdikdə müəyyən edilmiş müddətdə yeni sədr seçilənə qədər onun səlahiyyətlərinin icrası Naxçıvan Muxtar Respublikası Ali Məclisi sədrinin birinci müavini, o da olmadıqda müavini tərəfindən yerinə yetirilir. Hazırda Naxçıvan Muxtar Respublikası Ali Məclisi sədrinin səlahiyyətlərini müavin postuna ötən ilin mayından Qıvraq seçki dairəsindən deputat Anar İbrahimov yerinə yetirir.

Anar İbrahimov Avropa Şurasının Yerli və Regional Hakimiyyətlər Konqresində Azərbaycan nümayəndə heyətinin rəhbəri, Yeni Azərbaycan Partiyası Naxçıvan Muxtar Respublika Təşkilatının icra katibi və Naxçıvan Muxtar Respublikası Həmkarlar İttifaqları Şurasının sədridir. Onun da bu dəfə Ali Məclis sədri seçkilərində şansları olmamış deyil.

Naxçıvan Ali Məclisinin sədri bu qanunverici orqan tərəfindən seçilir, ona tabedir və ona hesabat verir. Yaşı 30-dan aşağı olmayan, muxtar respublikanın ərazisində 5 ildən az olmayaraq daimi yaşayan, başqa dövlətlər qarşısında öhdəliyi olmayan, ali təhsilli, ikili vətəndaşlığı olmayan Ali Məclisin hər bir deputatı sədr seçilə bilər.

Müstəqillik dövründə Ali Məclisə 4 nəfər rəhbərlik edib. Afiyəddin Cəlilov noyabr 1990 - aprel 1991 tarixlərində Naxçıvan MR Ali Məclisinin sədri olub. Heydər Əliyev 3 sentyabr 1991 - 15 iyun 1993-cü il tarixləri arasında Ali Məclisə sədrlik edib. 1994-cü ilin aprelindən 1995-ci il iyulunadək Ali Məclisə Namiq Həsənov rəhbərlik edib. Vasif Talıbov 1995-ci ilin dekabrından 2022-ci ilin dekabrınadək Naxçıvan Ali Məclisinin sədri vəzifəsində işləyib.

Qanunvericiliyə görə, muxtar respublikaya Ali Məclisin sədri rəhbərlik etməlidir, lakin səlahiyyətli nümayəndəlik institutunun da təsis edilməsindən sonra ortaya çıxan bir sıra suallar hələ də aktuallığını qoruyur. Yəni indi Ali Məclis sədrinin müavini nazir təyinatlarını həyata keçirirsə, səlahiyyətli nümayəndə o halda ümumi koordinasiyaya cavabdehdir.

Saytın Naxçıvandakı mənbələrdən aldığı məlumata əsasən, hazırda Ali Məclisə faktiki rəhbərlik edən Anar İbrahimov ən şanslı namizəddir. Həm təcrübəsi, həm də siyasi savadı Ali Məclisin sədri postuna tamamilə uyğundur. Ülvi Hüseynliyə gəlincə, onun Ali Məclisin sədri vəzifəsinə gətiriləcəyi halda narazılıqların genişlənəcəyi istisna olunmur. Vasif Talıbov dönəmində əsasən Şərurdan olan kadrlara üstünlük verilirdisə, bu gün kadrlar Şahbuzdan seçilir, irəli çəkilir. Ülvi Hüseynli də Şahbuz rayonundandır, yeni təyin olunan Baş nazir də eyni rayonun yetirməsidir. Bu baxımdan, Ali Məclis sədrinin də eyni rayondan olması bəzi xoşagəlməz dedi-qodulara yol aça biləcəyindən Ülvi Hüseynlinin bu posta təyinatı inandırıcı görünmür.

Anar İbrahimov çirkaba bulaşmayan kadrdır, onun təyinatı ümumilikdə Naxçıvan əhalisinin mənafeyinə uyğun olar. Ülvi Hüseynli haqda isə bu fikri işlətmək yersizdir. O, Vasif Talıbovun kadrı olaraq sırf şəxsi mənafelərini ilk cərgəyə qoyacaq, Talıbovdan qalan feodal üsul-idarə ilə işləyəcək. Əhali isə Vasif Talıbov idarəçiliyindən bezdiyindən Ülvi Hüseynlinin bu posta gətirilməsi Naxçıvanda mənfi emosiyalar yaradacaq. /qafqazinfo/

Xebertv.info

Digər xəbərlər

Ermənilər Muradovdan şikayətləndi - Bu general sülhməramlılara rəhbər təyin olundu (İDDİA)
“Azərpoçt” MMC-yə yeni direktor təyin olundu
Təhsil naziri şagird və valideynlərə videomüraciət edib
Məcburi köçkünün ata yurdunda ev tikməsinə icazə veriləcəkmi? – Deputat şərtləri açıqladı
Prezidentin Köməkçisi: “Paşinyan Səddam Hüseynin taktikasını təkrarlayır” - FOTO
İlham Əliyev Milli Məclisi buraxdı, yeni seçkiləri fevralın 9-na təyin etdi
Azərbaycan XTQ-si Qarabağda antiterror əməliyyatına başlayır - Rusiyanın ictimai xadimi
Erməni KİV: Rusiyanın yardımı ilə Qarabağda 8 min ev tikiləcək
Zamanında BDU-nun qara mühasibatlığı ona baxırdı... - İTTİHAM
Cəbrayıl rayonu istiqamətində düşmənin döyüş texnikaları məhv edildi - Video
İlham Əliyev “Starwood Capital Group” şirkətinin təsisçisi və icraçı direktorunu qəbul edib -
Bakıda doqquzuncu sinif şagirdi məktəbin üçüncü mərtəbəsindən yıxıldı
Sabah yağış yağacaq, duman olacaq
9 saylı məktəb direktorunun vəzifə xatirinə uydurduğu yalanlar
DİN-dən ƏMƏLİYYAT: 33 kq narkotik, silah-sursat aşkarlandı -
Mərkəzi Bank həfənin ilk gününə olan valyuta məzənnələrini açıqladı
Qəzaya düşən prokuror yuxulu olub - TƏFƏRRÜAT
Bu gün vəfat edən Hadı Rəcəblinin varidatı – ŞOK SİYAHI / FOTO
“YAŞAT” Fondundan nə qədər vəsait xərclənib? - FOTO
Rusiyada kimya zavodunda güclü YANĞIN -
Paşinyan referendum elan etdi
“Ağdam-1” və “Ağdam-2” yarımstansiyalarının açılışı
Azərbaycanda dəhşətli yol qəzası - 10 nəfər xəsarət aldı
Küveyt mediasında Qərbi Azərbaycan həqiqətlərindən bəhs olunub
Saxta "İsa peyğəmbər" xüsusi əməliyyatla saxlanıldı
İlham Əliyev Nizami Gəncəvi Beynəlxalq Mərkəzinin həmsədrini qəbul etdi - TAM MƏTN
Vəzifədən azad edilən məmur məsul katib oldu
Paşinyan “DQR”-i tanıya bilərmi? - TƏHLİL
Erməni hərbçilərin meyitlərinin qaytarılması ilə bağlı açıqlama
Türkiyə telekanalında 20 Yanvar faciəsinə həsr olunmuş veriliş yayımlanıb
{sape_links}{sape_article}