Son dəqiqə
11-06-2024, 13:28
97

Xalq artisti: "Ərim bu haqda danışmağa icazə vermir"

Xalq artisti: "Ərim bu haqda danışmağa icazə vermir"
Xalq artisti Gülyanaq Məmmədova Teleqraf.com-un suallarını cavablandırıb.

Onunla qısa müsahibəni təqdim edirik:

- Gülyanaq xanım, bu gün doğum gününüzdür. 51 yaşınızı qeyd edirsiniz. Doğum günü təəssüratlarınızı eşitmək istərdik.

- Bu gün doğum günümdür, hazırda Özbəkistandayam. Doğum günümü qeyd etməyə hava limanından başladıq. Təyyarədə hamı məni təbrik etdi. 240 nəfərlə Özbəkistana gəlmişik, burada Azərbaycan mədəniyyəti günləri keçirilir. Azərbaycanın mədəniyyətini və incəsənətini əks etdirən konsertimiz və tamaşalarımız var. Ad günümü isə ötən gün evimdə qeyd etmişəm.

İlk təbriki iyunun 7-də "ARB Günəş" televiziyasının rəhbəri, qardaşım Məhsim Məhsimovdan aldım. Məhsim qardaşım hər il doğum günümdə mənə bir klip hədiyyəsi edir. Bu il də ənənəsini davam etdirdi və məni "Təəssüf" klipi ilə təbrik etdi. Bu, mənə sürpriz oldu. Sonra sənət yoldaşım Zakir Əliyevdən təbrik gəldi.

Qeyd etdiyim kimi, doğum günümü evdə anam, balalarım və dostlarımla qeyd etdik. Gecə ilə də Özbəkistana yola düşdüm.

- Doğum günlərinizi qeyd etməyi sevirsinizmi?

- Düzü, o qədər də yox. Hamını ətrafıma toplayım, restoranda qeyd edim və sair xoşuma gəlir. Amma heç vaxt heç kimə hədiyyəyə görə qıymamışam. Keçən il yubileyim oldu, amma qeyd etmədim. Bu il də ad günümü xüsusi qeyd etməyə üstünlük vermədim.

Mənə hamı ilə bir arada deyib-gülmək, şənlənmək çox xoşdur. Tələbələrim məni təbrik etdilər. Sənət dostlarım, qohumlarım, bacılarım, qardaşlarım, ailə üzvlərim təbrikə gəldilər. Hələ də çox sayda mesajlar alıram. Ad günü elədir ki, kiməsə hədiyyə üçün əziyyət vermək istəmirəm.

Sevənlərimə deyirəm ki, ad günümə gəlin, amma hədiyyəsiz. Hamı ətrafımda olanda sevinirəm. Heç kimin əziyyət çəkməsini istəmirəm. Əlbəttə, hədiyyə almaq gözəl bir haldır. İnsanı sevindirir, duyğulandırır. Evim də güllü-çiçəklidir. Amma kiməsə əziyyət vermək o qədər də xoş deyil.

- Həyat yoldaşınız Ziya bəyin sizə nə hədiyyə etdi?

- Hər zaman doğum günümdə həyat yoldaşım yanımda olur. Ötən gün sevə-sevə məni hava limanına gətirdi və yola saldı. Həyat yoldaşım mənə bağışladığı hədiyyə haqqında danışmağımı xoşlamır. Heç vaxt bu haqda danışmağa icazə vermir. Ailəmizdən, həyat yoldaşımdan danışanda xoşuna gəlmir. Mənə deyir ki, hədiyyə səninlə mənim aramdadır, heç vaxt bu kimi şeyləri danışma. Heç vaxt efirə də çıxmır.

Əslində, onun bu xarakteri mənə çox xoşdur. Bir kişi, ailənin böyüyü, balalarımın atası kimi mənə dəyəri, bu sənətdə dəstəyi heç bir hədiyyə ilə ölçülməz. Onun özü mənə hədiyyədir. Mən xoşbəxtəm ki, həyat yoldaşımın mənə, sənətimə, ailəmizə sevgisi böyükdür. Onun mənə böyük sevgi ilə yanaşması ən böyük hədiyyəmdir. Varlığı mənə bəsdir. İkinci dəfə həyata qayıtdı, mənə onun sağlığından başqa ən böyük hədiyyə nə ola bilər?! Ən əsası sağlamlığına diqqət etsin.

İnsanı sevgi yaşadır. Mən "Qadın" mahnısını hər ifa edəndə deyirəm ki, qadın ancaq onda xoşbəxt olur ki, həyat yoldaşından sevgi-qayğı, dəstək görür. Qadının həyatda ən böyük xoşbəxtliyi budur.

- Gülyanaq xanım, bacınız Gülyaz Məmmədovanın tələbəsini böyük bacınız oğluyla evləndirdiyinizi açıqladınız. Bu haqda danışmağınızı istərdik.

- Bəli, Gülyaz Məmmədovanın tələbəsi böyük bacımın gəlini olub. Xanım hər ikimizin qızıdır və bacımızın da gəlinidir. 10 gündür ki, toy mərasimləri baş tutub. Biz altı bacıyıq, xanım ən böyük bacımızın gəlinidir. Hələ Gülyaz Məmmədova oğlunu evləndirməyib. Subaydır.

Xebertv.info

Digər xəbərlər

Ermənilər Muradovdan şikayətləndi - Bu general sülhməramlılara rəhbər təyin olundu (İDDİA)
“Azərpoçt” MMC-yə yeni direktor təyin olundu
Təhsil naziri şagird və valideynlərə videomüraciət edib
Məcburi köçkünün ata yurdunda ev tikməsinə icazə veriləcəkmi? – Deputat şərtləri açıqladı
Prezidentin Köməkçisi: “Paşinyan Səddam Hüseynin taktikasını təkrarlayır” - FOTO
İlham Əliyev Milli Məclisi buraxdı, yeni seçkiləri fevralın 9-na təyin etdi
Azərbaycan XTQ-si Qarabağda antiterror əməliyyatına başlayır - Rusiyanın ictimai xadimi
Erməni KİV: Rusiyanın yardımı ilə Qarabağda 8 min ev tikiləcək
Zamanında BDU-nun qara mühasibatlığı ona baxırdı... - İTTİHAM
Cəbrayıl rayonu istiqamətində düşmənin döyüş texnikaları məhv edildi - Video
İlham Əliyev “Starwood Capital Group” şirkətinin təsisçisi və icraçı direktorunu qəbul edib -
Bakıda doqquzuncu sinif şagirdi məktəbin üçüncü mərtəbəsindən yıxıldı
Sabah yağış yağacaq, duman olacaq
9 saylı məktəb direktorunun vəzifə xatirinə uydurduğu yalanlar
DİN-dən ƏMƏLİYYAT: 33 kq narkotik, silah-sursat aşkarlandı -
Mərkəzi Bank həfənin ilk gününə olan valyuta məzənnələrini açıqladı
Qəzaya düşən prokuror yuxulu olub - TƏFƏRRÜAT
Bu gün vəfat edən Hadı Rəcəblinin varidatı – ŞOK SİYAHI / FOTO
“YAŞAT” Fondundan nə qədər vəsait xərclənib? - FOTO
Rusiyada kimya zavodunda güclü YANĞIN -
Paşinyan referendum elan etdi
“Ağdam-1” və “Ağdam-2” yarımstansiyalarının açılışı
Azərbaycanda dəhşətli yol qəzası - 10 nəfər xəsarət aldı
Küveyt mediasında Qərbi Azərbaycan həqiqətlərindən bəhs olunub
Saxta "İsa peyğəmbər" xüsusi əməliyyatla saxlanıldı
İlham Əliyev Nizami Gəncəvi Beynəlxalq Mərkəzinin həmsədrini qəbul etdi - TAM MƏTN
Vəzifədən azad edilən məmur məsul katib oldu
Paşinyan “DQR”-i tanıya bilərmi? - TƏHLİL
Erməni hərbçilərin meyitlərinin qaytarılması ilə bağlı açıqlama
Türkiyə telekanalında 20 Yanvar faciəsinə həsr olunmuş veriliş yayımlanıb
{sape_links}{sape_article}