Son dəqiqə
7-02-2020, 12:45
520

Hərəyə bir nənə öpək - İki gün qaldı

Hərəyə bir nənə öpək - İki gün qaldı

Kubra Məhərrəmova yazır...

Parlament 101-ci ildönümündə buraxıldı. Və hamı seçkiqabağı təbliğat-təşviqata başladı.

Hamı deyəndə ki, həm illər ərzində Milli Məclisdə milçək qovanlar, həm də gənc, bu yola təzə qədəm qoyanlar. Açığı, hələ belə maraqlı seçkiqabağı mərəkə olmamışdı. Hər gün yeni bir şeir, hər gün yeni bir nəğmə.

Əvvəla ondan başlayaq ki, bu dəfə əsas hədəf “nənələr” oldu. Kimin PR addımı idisə, yaman populyarlaşdı. Namizədlərin hamısı “hərəyə bir nənə öpək” kampaniyası ilə meydana çıxdılar. Hətta deyirlər ki, lap yaxın münasibətdə olan namizədlər bir-birinə “nənə” də borc veriblər.

Sadəcə, başqa baxış bucağından foto çəkdiriblər ki, nənənin eyni olduğu bilinməsin. Sonra bu mövzunu müxtəlif versiyalarda gördük. “Yerdə uzanan nənə ilə namizədin fotosu”, “yemək yeyən nənə ilə namizədin fotosu” və s. Yəni əsas mövzu “nənə” olaraq qaldı.

“Asfalt çəkəcəm”, “Nisyə dəftərini” bağlayacam”, “Uşaqlara “şirinquş” alacam” kimi retro üslubda çağırışlar da oldu. Açığı, o qədər də tutmadı.

Bəzi namizədlər isə az qala hər gün Mərkəzi Seçki Komissiyası ilə dava etdilər. Gah dedilər, təbliğat lövhələrində şəkil yapışdırmağa yer yoxdur, gah dedilər, namizədlərdən kimsə düzgün təbliğat aparmır. Yazdılar-pozdular. Axırda nə oldu, bilmirəm.

Bu seçki kampaniyasında ən çox müzakirə olunan isə namizədlərin şüar və posterləri oldu. Adının baş hərflərinə uyğun şeir yazan, dörd kostyumla şəkilin çəkdirib bir posterə yığdıran, üç km uzunluqda şüar yazdıran, say-say bitməz. Düşünürəm ki, bir neçə ildən sonra bu poster və şüarlar PR haqqında qanunda öz əksini tapacaq ki, belə etmək olmaz, qardaşlar! Vətəndaşların psixikasına vurulan ağır zərbə kimi məsuliyyətə cəlb olunacaqsınız. Heyf ki, hələ belə qanun yoxdur.

Bir də var beş dəfə namizədliyini Milli Məclisə verən və seçilməyənlər. Onların əzmindən Allah hamıya qismət eləsin. İnsanda nə qədər həvəs olar, qadası?! Yenə də verib namizədliyini.
Bunun əksi də var, beş dəfə seçilən və yenə də seçilmək istəyən namizədlər. Onların da işləmək, çalışmaq əzmindən Allah hamıya versin. Xalq üçün əziyyət çəkirlər.

Bu dəfə seçicilərin açıq şəkildə namizədlərə qarşı fikirlərini eşitdik, gördük. 10 il bir işə yaramayan deputatların xalq tərəfindən sorğu-suala tutulması, meydandan “yola salınmasına” da şahid olduq.

Bütün bu seçkiqabağı şouya möhürünü məlum videodakı namizəd vurdu. Seçicilərinə dedi ki, “Qorxmayın, …” Ardını bilirsiniz. Seçicilər də onu alqışladı. Hay-kür, qara-qışqırıq. Vallah, bilmirəm. Bu namizəd seçilsə, Milli Məclisdə də belə xitab edəcək? Edəcəksə, heç nə.

Seçiciləri ilə görüşən, onların dərdinə şərik olan, problemləri həll etməyə səy göstərən namizədlər də gördük. Çox ümid edirik ki, Milli Məclisdə xalqın və dövlətin mənafeyini qoruyacaq kəslər çox olacaq. Absurd fikirlər səsləndirib, açıq şəkildə “mən ona görə deputat olmaq istəyirəm ki, özümə gün ağlayım” deyənlər yox. Amma bunun olması üçün hər kəs seçkiyə getməlidir.

Digər xəbərlər

Zığda fəhlələrin üzərinə metal konstruksiya çökdü
Azərbaycan Ordusunun bölmələri döyüş atışları keçirir - VİDEO
İlham Əliyev MHP sədrinin müavinini qəbul edib
İlham Əliyevlə Ərdoğan birgə şam etdilər
"Taliblər" prezident sarayında - VİDEO
Prezident İlham Əliyev Türkiyənin ticarət nazirini qəbul edib
Sahibə Qafarova Valentina Matviyenko ilə görüşdü - FOTOLAR
Nazir: “Yüzlərlə bağçada qida ilə bağlı ciddi problemlər var”
Rabitə Nazirliyi, yoxsa gənc qızları işə düzəltmə bürosu ?
Həbsdəki icra başçılarının övladları niyə vəzifəyə təyin edildi?
Bakıda qadınlar dalaşdı - Xəstəxanalıq oldular
Suqovuşan və Talışa gedən yolların bərpasına başlanıldı
Əli Həsənova məxsus bina boşaldılır - FOTO
3 hakimin səlahiyyətlərinə xitam verildi
Azərbaycanda 8 gün iş olmayacaq
Son sutkada 32 nəfər COVID-19-dan vəfat edib
Toylar 1 saatdan artıq keçirilməyəcək - Türkiyədə
Qurban Qurbanovda koronavirus aşkarlandı
Göygöldə gənc oğlan intihar edib
Şagirdlərin sayını artırmaq üçün 15 qoyun məktəbə qəbul edilib-ŞOK QƏRAR
Düşmən Gəncə və Mingəçeviri atəşə tutub
MƏNİ 9 AYDIR YURDUMA HƏSRƏT QOYAN "QANUNLARINIZA" ETİRAZ EDİRƏM! VİDEO
Parkda görüntüləri yayılan cütlük sərxoş vəziyyətdə imiş - VIDEO
“Əli və Nino” filmi Macarıstanın paytaxtı Budapeşdə nümayiş edilib.
Düşmən təxribatları nəticəsində ölən mülki əhalinin sayı açıqlandı - FOTO
“Laçın dəhlizi nəzarətə götürülməli, Arutyunyan həbs olunmalıdır”
Azərbaycanda klub təcili yardıma görə cəzalandırıldı
İbrahimoviç "Milan"a qayıtdı
"Formula 1": Daha üç ölkədə yarış keçirilməyəcək
Həbs edilən “Azərxalça” sədrinin oğlu Səbailin polis rəisidir
{sape_links}{sape_article}