Ölümünü canlı yayımda göstərmək istədi, bloklandı

"Facebook" sosial şəbəkəsi sağalmaz xəstəlikdən əziyyət çəkən fransalı vətəndaşın canlı yayımını bloklayıb.

Buna səbəb isə 57 yaşlı Alen Kokun şəxsi səhifəsində ölümünü yayımlamaq istəyi olub

Artıq dərman və qida qəbul etməkdən də imtina edən vətəndaş bu addımı ilə Fransa dövlətinin “Ölüm hüququ” qanununda dəyişiklik etməsinə nail olmaq istəyib.

Qeyd edək ki, iyulda Kok Fransa prezidenti Emmanuel Makrona xəstəliyin əzablarına dözə bilmədiyini və "fəal tibbi yardım"dan istifadə edərək ləyaqətlə ölməyə icazə verilməsini xahiş etmişdi. Makron isə 57 yaşlı kişinin bu arzusuna cavab olaraq onun iradəsinə heyran qaldığını, amma sözügedən tələbini təmin edə bilməyəcəyini söyləmişdi.

Alen Kok isə Feysbuk idarəçilərinin onun canlı yayımını bağladığını öyrəndikdən sonra başqa bir üsulla canlı yayımda ölümünü nümayiş etdirəcəyini bildirib.

XeberTv.info