Rus deputat arvadının qulağını kəsib gözlərini çıxardı

Arvadını qəddarcasına öldürməkdə şübhəli bilinən rusiyalı deputat İqor Şokin psixi xəstəxanaya yerləşdirilib. Şüursuz vəziyyətdə olduğu üçün ondan hələ ki, ifadəsini almaq mümkün olmayıb.

XeberTv.info “Life Shot” “Telegram” kanalına istinadən bildirir ki, onun arvadının qətli ritual mərasimə oxşayıb.

Belə ki, cəsəd tapılarkən qadının qulaqları kəsilmiş, gözləri isə yerindən çıxarılıbmış.

Kanalın məlumatına görə, millət vəkilinin bir gün əvvəl ekstrasensə müraciət etdiyi barədə polisdə məlumat var.

Bildirilir ki, Şokinin oğlu uzun müddət valideynləri ilə əlaqə saxlaya bilməyib. Bundan sonra qonşusuna zəng edərək evlərinin qapısını döyməsini istəyib. Ancaq heç kim qapını açmayıb.

Qonşu qaçaraq mühafizəçiyə xəbər verib. Polislər hadisəni törədən şəxsin axtarışına başlayıblar.

Şokin evin yaxınlığında kolluqdan tapılıb.