Avroliqa matçını ilk dəfə qadın baş hakim idarə edəcək

Futbol üzrə Avropa Liqasının oyununu ilk dəfə qadın baş hakim idarə edəcək.

Belə ki, qrup mərhələsində ilk turun “Lester Siti” (İngiltərə) – “Zarya” (Ukrayna) matçı, Fransadan olan hakimlər briqadasına tapşırılıb.

Oyunun baş hakimi Stefani Frappar, yan xətt hakimləri Siril Mönye və Benjamen Pajes, dördüncü hakim isə Joan Amel olacaq.

Qeyd edək ki, Stefani Frappar daha əvvəl 2019-cu ildə İngiltərənin “Liverpul” və “Çelsi” (2:2, penaltilərdə 5:4) komandaları arasında keçirilmiş UEFA Super Kuboku uğrunda matçın baş hakimi olub.

Bildirək ki, oktyabrın 22-də keçiriləcək “Lester Siti” – “Zarya” matçına Bakı vaxtı ilə saat 23:00-da start veriləcək.

XeberTv.info