Arayikin əlindəki portret onu ifşa etdi

Dekabrın 31-i ermənilər Qarabağda ölən hərbçiləri yad etmək üçün kilsələrə toplaşaraq ayin icra edib.

Xankəndidə keçirilən belə mərasimlərdən birinə qondarma rejimin rəhbəri Arayik Arutunyan da qatılıb. O, əlində tutduğu erməni hərbçinin portreti ilə diqqət çəkib.

Ancaq portretdə olan həmin əsgəri tanıyan bir qadın, Arayikin və qondarma rejimin əsl üzünü belə ifşa edib;

“Arayik Arutunyan mənim rəfiqəməin oğlu Qevorq Movsesyanın portretini tutub. Qevorqun adı heç bir siyahıda - nə ölənlərin arasında, nə itkin düşənlərinin zamanı, nə də ki, əsirlərin siyahısında var. Qevorq səfərbərliyinə çağırıldığı ilk gün hərbi komissarlığa gedib amma siyahılarda adı yoxdur. Ailəsi üçün itkin düşənlərin ailələrinin aldığı yardımı belə ala bilmir. Yaxınları onu Qarabağ və Ermənistanın fərqli yerlərində axtarırlar. Oğlan isə yoxdur". - deyə, qadın bildirib.

Bununla da "Dağlıq Qarabağ" qondarma rejiminin və Ermənistan rəhbərliyinin itkilər haqqında düzgün açıqlama verməməsi bir daha öz təsdiqini tapıb.

XeberTv.info