Son dəqiqə
Cəmiyyət / Sosial
17-12-2021, 11:50
609
Nazir: "Azad olunmuş ərazilərdə müəllimlərə güzəşt olacağı hələ müzakirə olunmur"
"İşğaldan azad olunmuş ərazilərdə çalışacaq müəllimlərə hər hansı güzəşt olacağı mərhələsinə gələ gəlməmişik. İndi o ərazilərdə minaların təmizlənməsi prosesi gedir".
Bunu jurnalistlərə açıqlamasında təhsil naziri Emin Əmrullayev bildirib.
Nazir deyib ki, Şuşa və Ağdamda məktəblərin tikintisi üçün işlərə başlanılıb: "Ümumilikdə onlarla, yüzlərlə məktəbdən söhbət gedir. Orada çalışacaq müəllimlərin qayıdışı prosesini də planlaşdırırıq. Burada bir neçə məqama diqqət yetirmək lazımdır. Bu müəllimlər həmin ərazilərə qayıtdıqda məktəblərin həcmi və şagird sayı dəyişə bilər. Bu, çox ciddi planlaşdırma tələb edən işdir. Hazırda güzəşt paketi ilə bağlı müzakirə mərhələsinə çatmamışıq".
İşğaldan azad olunmuş ərazilərdə nə qədər müəllimin çalışacağı məsələsinə gəldikdə isə, nazir deyib ki, hələ bu say müəyyənləşməyib.
XəbərTv.info