Son dəqiqə
Cəmiyyət
9-02-2022, 18:38
344
Salfetin içində narkotik satılması ilə bağlı yalan məlumat yayan şəxs saxlanıldı
Daxili İşlər Nazirliyi sosial şəbəkə seqmentlərində uşaqların satdığı salfetin içində narkotik olması ilə bağlı yayılan məlumatlara münasibət bildirib.
Bu barədə Nazirliyin Mətbuat xidmətinin şöbə müdiri, polis mayoru Elşad Hacıyev açıqlamasında bildirib.
DİN nümayəndəsi qeyd edib ki, məsələ dərhal nəzarətə götürülərək araşdırılıb.
"Polis tərəfindən keçirilən müvafiq tədbirlərlə həmin məlumatı yayan şəxs - Bakı şəhər sakini, 1991-ci il təvəllüdlü Abumislimov Kamran olması müəyyən olunub. O, etiraf edib ki, yalan məlumatı qəsdən yayıb, məqsədi isə ölkə xaricində yaşayan valideynlərinin diqqətini üzərinə yönəltmək olub. Onun iddia etdiyi halların bütün təfərrüatları yoxlanılıb. Salfetin içində narkotik olması ilə bağlı iddiaların tamamilə yalan olması məlum olub. İddialarla bağlı araşdırmalar davam etdirilir", - deyə E. Hacıyev qeyd edib.