İri Şəhərlərin Birləşmiş Su Təchizatı Xidməti 2 milyon manat vəsait ayırır

Bu gün İri Şəhərlərin Birləşmiş Su Təchizatı Xidməti dəyəri 2 milyon manatlıq olan tender elan edib.

Tender baş verə biləcək qəzaların aradan qaldırılması üçün lazım olan avadanlıq və mal-materialların satın alınması ilə bağlıdır.

Sifariş edilən avadanlıq və mal-materiallar siyahısına müxtəlif diametrli barmaq tipli frez aləti, polad məftil, rezin tıxac, burğu, boru, babbit, qaynaq aparatı və generatorlar daxildir.

Qurum qeyd olunan avadanlıq və mal-materialların satın alınmasına 2 055 048,58 manat vəsaitin sərf olunacağını proqnozlaşdırıb

Qeyd edək ki, tender bu gün - oktyabrın 22-də elan olunub və noyabrın 23-dək davam edəcək./İqtisadiyyat.az/

Xebertv.info