Rusiya XİN nümayəndəsi Azərbaycanın Dağlıq Qarabağa status verməkdən imtina etməsinə münasibət bildirdi

“Moskva ümid edir ki, Bakının Dağlıq Qarabağın xüsusi statusunu müzakirə etməkdən imtina etməsi bölgədə yeni bir qarşıdurma dalğasına səbəb olmayacaq”.

Bunu Rusiya xarici işlər nazirinin müavini Andrey Rudenko jurnalistlərə açıqlamasında deyib.

“Bunun yeni bir dalğaya səbəb olmayacağını gözləyirik”, - deyə Rudenko bildirib.

Dağlıq Qarabağın statusu ilə bağlı məsələnin həlli üçün təxmini müddətin olub-olmaması barədə suala isə diplomat belə cavab verib: “Xeyr, müddət yoxdur”.

Rudenko status məsələsinin çox həssas olduğunu bir daha vurğulayıb.

XeberTv.info