Ermənistan Hadrutda yeni toqquşmalarla bağlı xəbəri təkzib edir

Ermənistan Müdafiə nazirliyi Qarabağda hər hansı insidentin qeydə alınmadığını bəyan edib.

Bu barədə nazirliyin yaydığı məlumatda deyilir.

“Bir sıra KİV-lər Hadrut bölgəsinin Tuğ kəndi yaxınlığında Ermənistan və Azərbaycan əsgərləri arasında yenidən hərbi əməliyyatların başlandığı barədə məlumat yayıblar.

Xatırladaq ki, Tuğ kəndi Azərbaycan Silahlı Qüvvələrinin tam nəzarəti altındadır. Atəşkəs rejiminə ciddi əməl edilir. Heç bir bölmə qeyd edilən ərazidə hər hansı hərbi əməliyyatda iştirak etməyib”, - deyə açıqlamada bildirilib.

Həmçinin qeyd edilib ki, buna baxmayaraq, erməni tərəfi əlavə olaraq məlumatları dəqiqləşdirməyə çalışır.

XeberTv.info