Bərdədəki terror aktında Qırmızı Aypara Cəmiyyətinin əməkdaşı da həlak olub

Bu gün Ermənistan silahlı qüvvələrinin Bərdəyə raket hücumu nəticəsində həlak olanlar arasında Beynəlxalq Qırmızı Xaç və Qırmızı Aypara Cəmiyyətinin könüllüsü də olub.

Bu barədə təşkilatın Avropa bürosunun Tvitter səhifəsində məlumat verilib.

“Bu gün günortadan sonra Azərbaycanın Bərdə şəhərində mülki şəxslərə humanitar yardım çatdırarkən könüllülərimizdən birinin həlak olması xəbəri bizi sarsıtdı. 39 yaşlı həmin şəxs Qırmızı Aypara Cəmiyyətinin Azərbaycandakı nümayəndəliyinin təcili mobil qrupunun əməkdaşı idi. Humanitar yardımçılar hədəf olmamalıdır”, - deyə məlumatda qeyd olunur.

XeberTv.info