Son dəqiqə
Siyasət
11-11-2020, 10:54
5 143
Fransız qəzeti: "Ermənistanın Qarabağdakı məğlubiyyəti həm də Fransanın məğlubiyyətidir"
Fransız "L'Opinion" qəzeti Ermənistanın Qarabağdakı məğlubiyyətinin həm də bu ölkəni dəstəkləyən Fransanın məğlubiyyəti olduğunu yazıb.
Qəzet, Ermənistanın Dağlıq Qarabağdakı müharibədə məğlub olduğunu və baş nazir Nikol Paşinyanın da atəşkəs razılaşmasını imzalayaraq məğlubiyyəti qəbul etdiyini qeyd edib.
Məqalədə təxminən 7 həftə ərzində Azərbaycan Ordusunun Qarabağın cənubundakı 3 min kvadrat kilometri işğaldan azad etdiyi vurğulanır.
Strateji və simvolik dəyəri olan Şuşa şəhərinin də azad edilməsi bildirilən xəbərdə razılaşmanın detalları açıqlanıb. Yazıda Rusiya prezidenti Vladimir Putinin iki ölkə arasında atəşkəs razılaşmasının imzalanmasını təmin etdiyi bildirilib.
Türkiyənin Azərbaycana dəstək verdiyini, Türkiyə Prezidenti Rəcəb Tayyib Ərdoğan ilə Putinin Liviya məsələsi ilə davalı danışdıqları qeyd edilən yazıda bunlar yazılıb:
"Qəti olan bir şey var. ABŞ və Fransa başda olmaqla Qərb ölkələri diplomatik oyunun xaricində qaldı".
Məqalədə ATƏT-in Minsk qrupunun Qarabağ münaqişəsinin həll yolunu tapa bilmədiyi qeyd olunur:
"Ermənistanın tərəfdarı və Türkiyənin düşməni olan Fransa üçün Qarabağ məsələsi Suriya və Liviyadan sonra başqa bir uğursuzluqdur".
Qəzet Qarabağda hərbi əməliyyatların başladığı ilk gündən Azərbaycanın Ermənistandan üstünlüyünün açıq şəkildə göründüyünü yazıb.
Məqalədə Rusiya hərbi texnikasının təsirinin yalnız Türkiyə texnologiyası ilə məhdudlaşdırılğı qeyd edilib.
Qeyd edək ki, noyabrın 10-da Azərbaycanla Ermənistan arasında atəşkə razılaşması imzalanıb. Razılaşmaya əsasən, Ermənistan ordusu işğal etdiyi Laçın, Ağdam və Kəlbəcəri boşaltmaq üçün təqdim edilən təqvimə uyğun olaraq bu ərazilərdən çıxacaq.
XeberTv.info