AVRO-2020-nin bütün iştirakçıları müəyyənləşdi

Futbol üzrə Avropa çempionatının bütün iştirakçıları müəyyənləşib.

Bu, AVRO-2020-nin pley-off mərhələsində final oyunlarından sonra məlum olub.

Belə ki, son 4 vəsiqəyə Şimali Makedoniya, Şotlandiya, Slovakiya və Macarıstan sahib çıxıb. Onlar müvafiq olaraq, C, D, E və F qruplarına düşüblər.

AVRO-2020 qruplarının yekun tərkibləri aşağıdakı kimidir:

A qrupu – Türkiyə, İtaliya, Uels, İsveçrə;

B qrupu – Danimarka, Finlandiya, Belçika, Rusiya;

C qrupu – Niderland, Ukrayna, Avstriya, Şimali Makedoniya;

D qrupu – İngiltərə, Xorvatiya, Şotlandiya, Çexiya;

E qrupu – İspaniya, İsveç, Polşa, Slovakiya;

F qrupu – Macarıstan, Portuqaliya, Fransa, Almaniya.

Qeyd edək ki, koronavirus pandemiyası səbəbindən 2021-ci ilin yayına təxirə salınan AVRO-2020-nin matçları Bakı da daxil olmaqla qitənin 12 şəhərində baş tutmalıdır.

XeberTv.info