Ağstafa Rayon İcra Hakimiyyəti karantin rejimini pozdu

Bildiyiniz kimi, xüsusi karantin rejiminin sərtləşdirilməsindən irəli gələrək 2020-ci il 14 dekabr saat 00:00-dan 2021-ci il 18 yanvar saat 00:00-dək ölkənin bütün ərazisində Azərbaycan Respublikasının Nazirlər Kabinetinin müvafiq qərarı ilə müəyyən edilmiş iş və xidmət sahələri istisna olmaqla digər sahələrdə iş və xidmətlər dayandırılıb.

Ancaq bildirilir ki, bir neçə gün öncə Ağstafa Rayon İcra Hakimiyəti karantin rejiminin pozaraq, rayon ərazisində yeni “İzmir” restoranın açılışını edib.

XeberTv.info Unikal.org-a istinadən məlumat verir ki, dekabrın 15-də Zabit Vəliyev adlı sahibkara məxsus restoranın açılış tədbirində Ağstafa Rayon İcra Hakimiyyətinin məsul şəxsləri və rayon ictimaiyyətinin nümayəndələri iştirak ediblər. Eləcə də həmin açılışda rayon sakinlərinin və uşaqların iştirak etməsinə səbəb olublar.