Son dəqiqə
İdman
12-07-2021, 20:15
2278
“Neftçi” bilet satışından Qarabağ Dirçəliş Fonduna və “YAŞAT”a ianə edəcək
“Neftçi” klubu Gürcüstanın “Dinamo” (Tbilisi) komandası ilə Çempionlar Liqasının I təsnifat mərhələsinin cavab görüşü üçün bilet satışından əldə edəcəyi vəsaitin yarısını Qarabağ Dirçəliş Fonduna və “YAŞAT” Fonduna ianə edəcək.
Bu barədə Qarabağ Dirçəliş Fondu məlumat yayıb.
UEFA Çempionlar Liqasının I təsnifat mərhələsi çərçivəsində keçiriləcək “Neftçi” – “Dinamo” (Tbilisi) oyununun biletləri sabah saat 10:00-da satışa çıxarılacaq.
Qiyməti 5 (1A, 2A, 4A, 5A, 1B, 2B), 10 (3B) və 20 (3A) AZN təşkil edən biletləri “Bakcell Arena” stadionunun kassalarından əldə edə bilərsiz. Kassalar saat 21:00-dək işləyəcək.
Qeyd edək ki, iyulun 14-də "Bakcell Arena"da keçiriləcək “Neftçi” – “Dinamo” matçı saat 21:00-da başlanacaq. İlk oyunda Azərbaycan komandası qalib gəlib - 2:1.
XəbərTv.info