Dünyanı mat qoyan kadrlar – VİDEO

Kolumbiyanın Kindio departamentinin paytaxtı Armenia şəhərində əcaib bir hadisə qeyd alınıb.

Azvision.az “New York Post”a istinadla xəbər verir ki , şəhərin meri Xose Manuel Rios Morales sosial şəbəkədə gözəgörünməz, naməlum bir qüvvənin merlik binasının gecə gözətçisinə necə hücum etməsinin videosunu paylaşıb.

Merin öz feysbuk səhifəsində yayımladığı müraciətdən və videodan bəlli olur ki, idarənin gözətçisi gecə koridorları gəzərkən gözəgörünməz bir qüvvə ona hücum edib, vurub kənara atıb, sonra isə o tərəf-bu tərəfə sürüyüb. Hər şey Hollivudun klassik horror filmlərindəki səhnələri xatırladır. Videoda görürük ki, nə ilə üzləşdiyini anlamayan gözətçi qışqıraraq, həmkarlarını köməyə çağırır və iki nəfər ona yardıma gəlirlər.
Armenianın meri əhaliyə müraciətində kabusu qovmaq üçün xüsusi komanda topladığını bildirib. “Biz idarənin hər küncündə yepiskop və digər din xadimlərilə Allaha dualar edəcəyik” ,- o deyib.
Merin paylaşdığı video yerli camaatı iki yerə parçalayıb. Bir qism onun Allaha sığınaraq, infernal qüvvələrlə mübarizə aparmalı olduğunu deyib, digər qism isə hoqqabazlıqda və şou çıxarmaqda suçlayaraq, ələ salıb.



Xəbərtv.info