Son dəqiqə
İdman
16-11-2020, 21:57
5 449
Təxribat təhlükəsi: Millimizin Lüksemburqda qaldığı otelin qarşısında polis postu quruldu
Azərbaycan yığmasının UEFA Millətlər Liqasının VI turunda Lüksemburqla qarşılaşacağı "Jozi Bartel" stadionunda və onun ərazisində təhlükəsizlik tədbirləri gücləndirilib.
Canni De Byazinin baş məşqçi olduğu komanda gecə-gündüz müşayiət olunur.
Komandanın qaldığı otelin qarşısında daimi polis patrulu yerləşdirilib. Yerli federasiya dronlardan istifadənin qadağan edilməsi üçün Nəqliyyat Nazirliyinə müraciət edib.
Nazirlik stadion yaxınlığında vəziyyətin izləniləcəyini bildirib.
Xatırladaq ki, 2018/2019 mövsümündə UEFA Avropa Liqasının qrup mərhələsinin "Düdelanj" - "Qarabağ" oyununda (1:4) ermənilər tərəfindən təxribat törədilmişdi. Matçın birinci hissəsində Ağdam klubunun 30-cu dəqiqədə vurduğu ikinci qoldan sonra stadionun üzərinə dronla separatçı rejimin bayrağı gətirilmişdi.
Noyabrın 17-də keçiriləcək Lüksemburq - Azərbaycan görüşü Bakı vaxtı ilə saat 23:45-də başlayacaq.
XeberTv.info