Erməni ombudsman növbəti dəfə sərsəmlədi

Ermənistan ombudsmanı Arman Tatoyan növbəti dəfə sərsəm bəyanatla çıxış edib.

O, Meğri rayonun sakinlərinin Azərbaycan Silahlı Qüvvələri tərəfindən susuz buraxıldığını iddia edib.

Tatoyan söyləyib ki, guya Naxçıvandakı Azərbaycan hərbçiləri ərazidən keçən çayın məcrasını bir neçə il əvvəl dəyişdirərək Ordubada doğru istiqamətləndirib. Nəticədə Meğri, Ağarak, Nrnadzor, Şvanidzor və Alvank kəndlərinin sakinləri içməli və suvarma suyuna həsrət qalıblar.

O, çayın mənbəyinin Azərbaycan Ordusunun atəşi altında olduğu üçün sakinlərin vəziyyəti dəyişə bilmədiyini də iddia edib.

Xatırladaq ki, Ermənistanda iqtisadi, sosial problemlər həddən artıq çoxdur. Mərkəzi və yerli idarəetmə orqanları bu problemlərin öhdəsindən gələ bilmədikləri üçün müxtəlif bəhanələr gətirir, erməni xalqını aldadırlar. Bu baxımdan Ermənistan ombudsmanının səsləndirdiyi fikirlər də problemi həll etmək əvəzinə günahı başqasının üstünə atmaqdan başqa bir şey deyil. Bu, Azərbaycana, hərbçilərimizin üstünə atılan növbəti böhtandır. O da heç kimə sirr deyil ki, ermənilər vaxtilə işğal altında saxladıqları Suqovuşanda Tərtər çayının qarşısını kəsərək təsərrüfatla məşğul olan azərbaycanlıları içməli və suvarma suyuna möhtac qoyublar.

XeberTv.info