Ermənistanda dövlət qurumlarını və vəzifəli şəxsləri tənqid etmək qadağan edildi

Ermənistanda hərbi vəziyyətin hüquqi rejimini təmin edən dövlət orqanlarının və vəzifəli şəxslərin hərəkətlərini (çıxışları, nəşrləri də daxil olmaqla) tənqid edən, təkzib edən, şübhə altına alan və ya başqa bir şəkildə dəyərdən salan məlumatların dərc edilməsi və yayımlanması qadağan edilib.

XeberTv.info bildirir ki, bu barədə “Sputnik” Ermənistan məlumat yayıb.

Qeyd olunur ki, Ermənistanın müdafiə qabiliyyətini və təhlükəsizliyini pozmağa yönəlmiş kampaniyalar da qəti qadağan edilir.

Qaydalara əməl olunmasına Ermənistan polisi nəzarət edəcək.