“Fənərbaxça”dan şəhidimizlə bağlı paylaşım - FOTO

Türkiyənin “Fənərbaxça” klubu Ermənistanın işğalı altında olan torpaqlarımızın azad edilməsi uğrunda şəhid olan Niyamin Niftalızadə ilə bağlı paylaşım edib.

XeberTv.info İstanbul təmsilçisinin rəsmi saytına istinadən məlumat verir ki, onun məzarı önünə klubun bayrağı və forması qoyulub.

Klub “Fənərbaxça” azarkeşi olan Niyaminlə bağlı paylaşımında bunları qeyd edib:

“Azərbaycan ordusunda xidmət edərkən şəhid olan Niyamin Niftalızadəyə Allahdan rəhmət diləyirik, yaxınlarına və Azərbaycan xalqına başsağlığı veririk”.