Qazaxıstanda sərnişin təyyarəsi qəzaya uğradı

Qazaxıstanın "Bek Air" şirkətinə məxsus “Fokker 100” təyyarəsi Almatı hava limanı yaxınlığında qəzaya uğrayıb.

XeberTv.info yerli KİV-ə istinadən bildirir ki, Almatı – Nur-Sultan reysi ilə uçan təyyarənin göyərtəsində 95 sərnişin və 5 heyət üzvü olub.

Təyyarədə havada, hündürlük yığdığı zaman nasazlığın baş verdiyi bildirirlir. Yerə düşən hava gəmisi beton arakəsməyə və ikimərtəbəli tikiliyə çırpılıb.

Qəza yerində dərhal xilasetmə işləri başlayıb: sərnişinlər və heyət üzvləri təxliyə olunub, yanğının qarşısı alınıb.

Son məlumata görə, 14 nəfər həlak olub, daha 35 nəfər, o cümlədən 6 uşaq xəsarət alıb. Yaralılardan 22-sinin vəziyyəti ağır qiymətləndirilir.