Son dəqiqə
Aktual / Manset
4-07-2024, 13:45
99
Erməni qızı Azərbaycanla sərhəddən şəkil yaydı - Ermənilər HƏYƏCANLANDI
![Erməni qızı Azərbaycanla sərhəddən şəkil yaydı - Ermənilər HƏYƏCANLANDI](/uploads/posts/2024-07/67.jpg)
Ermənistanın Tavuş rayonunun Azərbaycanla sərhəddə yerləşən Kirants kəndinin sakini Qohar Vardanyan həmyerlilərini təşvişə salacaq məlumat yayıb.
Erməni qızı özünün Facebook səhifəsində sərhəddən çəkilən şəkli aşağıdakı qeydlə paylaşıb:
“Azərbaycan sərhədçiləri, mən, erməni sərhədçiləri... Yeri gəlmişkən, Azərbaycan bayrağı addım-addım irəliləyir”.
Qohar Vardanyanın paylaşımını Ermənistan mətbuatı da yayıb. Erməni qızının paylaşımı sosial şəbəkələrdə həyəcan və təşviş yaradıb, ermənilər Paşinyan hakimiyyətini Qazaxın işğaldakı 4 kəndini Azərbaycana qaytardığına görə ən ağır sözlərlə söyüblər.
Qeyd edək ki, Tavuş rayonunun Kirants kəndi Qazax rayonunun Xeyrimli kəndi ilə üzbəüz ərazidə yerləşir. Kirants ermənilər 30 illik işğal dövründə Xeyrimli kəndinin ərazilərini qanunsuz olaraq mənimsəyib istismar edirdilər. Delimitasiya zamanı həmin torpaqların ermənilərdən geri alınması kənddə etiraz aksiyalarına səbəb olmuş, Paşinyan hakimiyyətinə qarşı "istefa!" şüarları səsləndirlmişdi.
Yerli ermənilər hələ də uzun illər boyu qanunsuz istismar etdikləri torpaqların əllərindən çıxmasını heç cür həzm edə bilmirlər.
Xatırladaq ki, 19 aprel 2024-cü il tarixində Azərbaycan Respublikası və Ermənistan Respublikasının delimitasiya komissiyalar arasında Qazaxın 4 kəndinin qaytarılması barədə razılıq əldə edilib.
15 may 2024-cü il tarixində Azərbaycan Respublikası və Ermənistan Respublikası arasında Texniki Protokol razılaşdırılıb və bu barədə müvafiq sənəd imzalanıb.
Delimitasiya işləri nəticəsində 12,7 km uzunluğunda sərhəd xətti müəyyən edilib və bununla Azərbaycan Respublikasının Qazax rayonunun 4 kəndinin - Bağanıs Ayrım, Aşağı Əskipara, Xeyrımlı və Qızılhacılının ərazilərinin (6,5 km2) Azərbaycana qaytarılması təmin edilib.
24 may 2024-cü il tarixində həmin kəndlər Azərbaycan Dövlət Sərhəd Xidməti tərəfindən nəzarətə götürülüb.
Xebertv.info