Əslən Azərbaycandan olan fransalı aktyor vəfat etdi

Azərbaycan əsilli fransız aktyor, rejissor, mədəniyyət xadimi Rober Hosseyn 93 yaşında vəfat edib.

XeberTv.info TASS-a istinadən məlumat verir ki, Hosseyni xəstəxanada həyata gözlərini yumub.

Bildirilir ki, 20 dən çox filmin müəllifi kimi rejissorluq fəaliyyəti ilə də məşğul olan Hosseynin sonuncu filmi “Məryəm adlı qadın” idi. Onun ən uğurlu tamaşası isə “Paris Notre Dame”dır.

Qeyd edək ki, 1927-ci ildə Parisdə doğulan Hosseynin atası Əminulla Hüseynov Səmərqənd azərbaycanlılarından olub. O, Oktyabr çevrilişindən sonra Fransaya mühacirət edib.

Atası Əminulla Hüseynov dövrünün bəstəkarı, musiqiçisi kimi tanınıb. Paris həyatına qaynayıb-qarışmaqdan ötrü o, Andre Osseyn adı ilə çıxış eləyib. Əslən səmərqəndli, milliyətcə azərbaycanlı olan Əminulla Hüseynov sovet hakimiyyəti qurulduqdan sonra mühacir dalğasının vətəndən uzaqlara atdığı ziyalılardandır.